महाराष्ट्र लोकसेवा आयोगाकडून (एमपीएससी) घेण्यात येणारी राज्यसेवा पूर्व परीक्षा नियोजित वेळेनुसारच होणार आहे. ५ एप्रिल २०२० रोजी ही पूर्वपरीक्षा नियोजित वेळेनुसार होणार असल्याचं एमपीएससीने म्हटले आहे.
कोरोनाचा फैलाव होऊ नये म्हणून १६ ते ३१ मार्च या कालावधीत कोणतीही परीक्षा घेऊ नयेत अशा राज्य सरकारने सूचना दिल्या आहेत. त्यामुळे या कालावधीतील सर्व परीक्षा रद्द करण्यात आल्या आहेत. मात्र या कालावधीत राज्यसेवा आयोगाची कोणतीही परीक्षा नाही. त्यामुळे राज्यसेवा पूर्व परीक्षा ५ एप्रिललाच होणार आहे.
राज्यसेवा पूर्व परीक्षा पूर्व रविवार दि. ५ एप्रिल २०२० रोजी घेण्याचे नियोजित आहे. या परीक्षेच्या आयोजनासंदर्भातली पूर्वतयारी झाली असल्याने योग्य ती दक्षता घेऊन पूर्वनियोजित वेळापत्रकानुसार राज्यसेवा पूर्व परीक्षा २०२० घेण्यात येईल, असं आयोगाने म्हटलं आहे.