कॅप्टनमध्ये किती सहनशीलता आहे यावर अनेक गोष्टी अवलंबून असतात हे महत्व अधोरेखित करण्यासाठी शुक्रवारच्या भागात बिग बॉस घरातील सदस्यांना ‘एक डाव नावाचा’ हे कॅप्टनसीचं कार्य सोपवणार आहेत. कॅप्टन या शब्दाचं महत्व अधोरेखित करणं हे या कार्याचं उद्देश आहे. कोण बनणार बिग बॉसच्या घराचा नवा कॅप्टन? मेघा आणि सई यांच्यात कडाक्याचं भांडण होणार का? हे आजच्या भागात पाहायला मिळेल.
गुरुवारच्या भागत
कलर्स मराठीवरील ‘बिग बॉस’ मराठीच्या घरामध्ये गुरुवारी पार पडलेल्या ‘होऊ दे चर्चा’ या साप्ताहिक कार्यानुसार पुष्कर, आस्ताद, मेघा आणि सई यांनी बऱ्याच ब्रेकिंग न्यूज दिल्या. या टास्कमध्ये आऊनी अनिल थत्ते आणि त्यांच्याबद्दल एक ब्रेकिंग न्यूज दिली. तसंच पुष्करने त्याच्या चाहत्यांसाठी एक छान नृत्य केलं. टास्कदरम्यान आस्तादची मेघा आणि सई बरोबर शाब्दिक चकमक झाली.
मेघा आणि सईने घेतलेला निर्णय आस्तादला पटला नाही आणि त्या विचारसरणीला विरोध दर्शवून त्याने निषेध केला. नंतर मेघा आणि सईने त्यांचा निर्णय बदलून शर्मिष्ठाचं नावं ब्रेकिंग न्यूजमधून काढून आऊ आणि पुष्करचं नाव अंतिम केलं. शुक्रवारी पुष्कर आणि आस्तादमध्ये कॅप्टनसीचं कार्य रंगणार आहे. सई, मेघा, आऊ आणि शर्मिष्ठा यांच्यात आज भांडण होणार आहे.
कॅप्टनसीचा पहिला उमेदवार कोण?
पुष्करच्या बातम्या ‘होऊ दे चर्चा’ या टास्कमध्ये चार वेळा सर्वोत्तम ठरल्यामुळे तो कॅप्टनसीचा पहिला उमेदवार ठरणार आहे. तसंच बिग बॉस मेघा, आस्ताद आणि सईमधून घरातील सदस्यांच्या मताने कोणा एका सदस्याची कॅप्टनसीच्या उमेदवारीसाठी निवड करायला सांगणार आहेत. यावरूनच बिग बॉसच्या घरामध्ये बरेच वाद होणार आहेत. सई आणि मेघा, आऊ आणि शर्मिष्ठावर नाराज होणार आहेत. कारण मेघा आणि शर्मिष्ठा त्यांची मतं आस्तादला देणार आहेत.
हेही वाचा -
कोण बनणार ‘बिग बॉस’च्या घराचा नवा कॅप्टन?