BMC ने कर्नाक पुलाच्या पुनर्बांधणी प्रक्रियेला गती दिली आहे. नवीन पुलाची वर्क ऑर्डर ऑक्टोबरमध्ये जारी करण्यात आली होती. अंबाला इथल्या एका वर्कशॉपमध्ये बांधकाम आणि फॅब्रिकेशनची कामे सुरू झाली आहेत. पुलाचा अंदाजे खर्च सुमारे 49 कोटी रुपये आहे आणि तो जून 2024 पर्यंत पूर्ण होणे अपेक्षित आहे. या पुलामुळे दक्षिण मुंबईतील वाहतूक कोंडी कमी होईल, असे पालिका अधिकाऱ्यांनी सांगितले.
154 वर्षे जुना ब्रिटीशकालीन पूल 2014 मध्ये अवजड वाहनांसाठी बंद करण्यात आला होता. तथापि, अन्य महत्त्वाचा दुवा – हॅनकॉक ब्रिज – अजूनही बांधकामाधीन असल्याने तोडण्याचे काम लांबणीवर पडले होते. दोन्ही पूल दक्षिण मुंबईला पूर्व-पश्चिम कनेक्टिव्हिटी देतात.
अतिरिक्त म्युनिसिपल कमिशनर (प्रकल्प), श्री पी वेलरासू म्हणाले, “ज्या पिअरवर नव्याने पुनर्बांधणी केली जाईल, त्यांचे बांधकाम सुरू झाले आहे. ते मार्च-एप्रिल 2023 पूर्वी पूर्ण करण्याचे उद्दिष्ट आम्ही ठेवले आहे. ही प्री-फॅब्रिकेटेड रचना असल्याने, अंबाला येथे फॅब्रिकेशनची कामे सुरू झाली आहेत. या कामानंतर जानेवारीच्या अखेरीस गर्डर जागेवर आणले जातील आणि दोन महिन्यांत जागेवर असेंबलिंग पूर्ण होईल.
श्री वेलरासू यांच्या मते, पुलाचा पहिला गर्डर मे 2023 पर्यंत आणि दुसरा गर्डर ऑक्टोबर 2023 मध्ये (रेल्वे ब्लॉकच्या उपलब्धतेनुसार) लावला जाईल.
“गर्डर बसवल्यानंतर फिनिशिंग कामाला आणखी एक महिना लागेल. गर्डर्स लाँच केल्यानंतर पूर्वेकडे अॅप्रोच बांधण्यासाठी चार महिन्यांचा कालावधी लागणार आहे, तर पश्चिमेला पहिला गर्डर लावण्यापूर्वी ते पूर्ण केले जाईल,” ते म्हणाले.
हेही वाचा