महालक्ष्मी रेल्वे स्थानकाच्या बाहेर बांधण्यात येत असलेल्या केबल ब्रिज (Railway over bridge)चा विस्तार करण्याचा निर्णय पालिकेने घेतला आहे, जो सात रास्ता येथे वाहतूक कोंडी कमी करण्यासाठी नियोजित होता. सात रस्ता ते केशवराव खाडये (KK) मार्ग हाजी अलीकडे जोडणारा रेल्वे ओव्हर ब्रिज (RoB) आता पुढे गंगाराम तळेकर चौक (NM जोशी मार्ग ते S ब्रिज जंक्शन) पर्यंत वाढवला जाईल. नव्या पुलामुळे प्रवाशांचा वेळ आणि इंधनाची बचत होणार आहे.

1920 मध्ये बांधण्यात आलेला महालक्ष्मी रेल्वे ओव्हर ब्रिज आता जीर्ण अवस्थेत आहे. हा पूल अवजड वाहनांचे भार सहन करू शकत नसल्याने आयआयटी बॉम्बेने पुलावरील भार कमी करण्याची शिफारस केली होती. पुलाची दुरुस्ती सुरू असताना, पालिकेने महालक्ष्मी रेल्वे स्टेशनवर डॉ ई मोसेस रोड (वरळी नाका) ते सात रस्ता आणि सात रस्ता ते केके मार्ग (हाजी अलीकडे) असे दोन पूल बांधण्याची योजना आखली.

फेब्रुवारी 2020 मध्ये कार्यादेश देण्यात आला, त्यानंतर महालक्ष्मी रेसकोर्सजवळील केबल-स्टेड पुलाचे काम सुरू झाले. ते मार्च 2024 पर्यंत पूर्ण होणे अपेक्षित आहे. पूर्वी हा पूल संत गाडगे महाराज चौकात संपेल असे नियोजन होते. मात्र, त्यामुळे जेकब सर्कलवरील वाहतूक कोंडीत भर पडणार असल्याचे एका अभ्यासातून दिसून आले आहे. त्यामुळे पालिकेने भायखळा रेल्वे स्थानकापर्यंत केके मार्गाचा विस्तार करण्याचा प्रस्ताव दिला.

“NM जोशी मार्ग ते S ब्रिज जंक्शनपर्यंत पुलाचा विस्तार केल्याने सात रस्ता जंक्शनवरील वाहतूक कोंडी कमी होईल. विस्तारित प्रकल्पाची अंदाजे किंमत 120 कोटी आहे. पुलाखालील बाधित 70 झाडे तोडण्यापासून वाचवण्यासाठी हाजी अली जंक्शनजवळील महालक्ष्मी रेसकोर्सच्या पार्किंगपासून एक ट्रॅक उंच केला जाईल आणि हा ट्रॅक पुलाला जोडला जाईल,” असे एका पालिका अधिकाऱ्याने सांगितले.

हेही वाचा

परळ टीटी इथला ब्रिज पालिका पाडणार, वाहतुकीसाठी होणार लवकरच बंद

गोखले पूल 'या' महिन्यापासून वाहतुकीसाठी खुला होणार