पश्चिम रेल्वेकडून (western railway) शनिवार आणि रविवारी बोरिवली-भाईंदर (bhayandar) स्थानकांदरम्यान रात्रकालीन जम्बो ब्लॉक (jumbo block) घेण्यात येणार आहे. 

तसेच रविवारी दिवसा ब्लॉक नसल्यामुळे प्रवाशांना काही प्रमाणात दिलासा मिळाला आहे.

सिग्नलिंग आणि ओव्हरहेड उपकरणांच्या देखभालीसाठी हा ब्लॉक घेतला जाणार असल्याचे पश्चिम रेल्वेकडून सांगण्यात आले आहे.

गेल्या काही दिवसांत पश्चिम रेल्वेवर तांत्रिक बिघाडाच्या (technical fault) घटना मोठ्या प्रमाणावर घडल्या होत्या. यामुळे पश्चिम रेल्वेवर प्रवास करणाऱ्या प्रवाशांचा मोठ्या प्रमाणावर खोळंबा झाला. तसेच प्रवाशांना नाहक त्रास सहन करावा लागला.

याच पार्श्वभूमीवर या तांत्रिक बिघाडाच्या घटनांना आवर घालण्यासाठी पश्चिम रेल्वेकडून हा निर्णय घेण्यात आल्याचे सांगितले जात आहे.

पश्चिम रेल्वेचे जनसंपर्क अधिकारी विनीत अभिषेक यांनी दिलेल्या माहितीनुसार शनिवार, 15 ऑगस्ट व रविवार, 16 ऑगस्ट रोजी बोरीवली आणि भाईंदर स्थानकांदरम्यान ट्रॅक, सिग्नलिंग आणि ओव्हरहेड उपकरणांच्या देखभालीसाठी जम्बो ब्लॉक घेण्यात येणार आहे.