मध्य रेल्वेवरील सीएसएमटी येथे पायाभूत सुविधांच्या कामांसाठी दोन दिवसांचा विशेष रात्रीचा ब्लॉक घेण्यात आला आहे. शुक्रवार-शनिवार आणि शनिवार-रविवार सकाळी 12:30 ते पहाटे 4:30 दरम्यान (दोन्ही दिवशी प्रत्येकी 4 तास) भायखळा-सीएसएमटी स्थानकांदरम्यान अप आणि डाऊन स्लो मार्गावर आणि अप आणि डाउन फास्ट मार्गावर, अप आणि डाऊन हार्बर मार्गावरील वडाळा रोड-सीएसएमटी स्थानकांवर ब्लॉक असेल. या कालावधीत लोकल सेवा उपलब्ध होणार नाही.
ब्लॉक दरम्यानचे टाईमटेबल
डाऊन स्लो मार्गावर, ब्लॉकपूर्वीची शेवटची लोकल सीएसएमटी-कसारा असेल जी मध्यरात्री 12:14 वाजता सुटेल आणि ब्लॉकनंतर पहिली लोकल सीएसएमटी-कर्जत लोकल असेल जी पहाटे 4:47 वाजता सुटेल.
अप स्लो मार्गावर, ब्लॉकपूर्वीची शेवटची लोकल कल्याण-सीएसएमटी असेल जी रात्री 10:34 वाजता सुटेल आणि ब्लॉकनंतर पहिली लोकल ठाणे-सीएसएमटी असेल जी पहाटे 4:00 वाजता सुटेल.
डाऊन स्लो मार्गावर, हार्बर मार्गावरील ब्लॉकपूर्वी पहिली लोकल सीएसएमटी-पनवेल ही असेल जी सकाळी 12:13 वाजता सुटेल आणि ब्लॉकनंतरची पहिली लोकल सीएसएमटी-पनवेल असेल जी पहाटे 4:52 वाजता सुटेल.
अप स्लो मार्गावर, ब्लॉकपूर्वीची शेवटची लोकल पनवेल ते सीएसएमटीसाठी धावेल जी रात्री 10:46 वाजता सुटेल आणि ब्लॉकनंतर पहिली लोकल वांद्रे ते सीएसएमटीपर्यंत धावेल जी पहाटे 4:17 वाजता सुटेल.
दादरपर्यंतच गाड्या धावतील
ब्लॉक कालावधीत हावडा-सीएसटीएम एक्स्प्रेस, मडगाव-सीएसटीएम जनशताब्दी एक्स्प्रेस, मडगाव-सीएसएमटी तेजस एक्स्प्रेस, अमृतसर-सीएसटीएम एक्स्प्रेस, भुवनेश्वर-मुंबई कोणार्क एक्स्प्रेस, हावडा-सीएसटीएम ट्रेन दादरपर्यंतच धावतील.
हेही वाचा