जर आपण घर विकत घेण्यासाठी कर्ज घेण्याची योजना आखत असाल तर आपण नवीन वर्षाची प्रतीक्षा करू शकता. कारण १ जानेवारीपासून देशातील सर्वात मोठी बँक स्टेट बँक ऑफ इंडियाचा गृहकर्जाचा व्याज दर ७.९० टक्के असेल. दरम्यान, एसबीआयने याची अधिकृत घोषणा अद्याप केलेली नसली तरी नवीन वर्षात गृहकर्ज स्वस्त होईल, अशी शक्यता बँक अधिकाऱ्यांनी वर्तवली आहे.
आॅक्टोबरमध्ये आरबीआयने रेपो दरात ०.२५ टक्के कपात केली आहे. त्यामुळे १ जानेवारी २०२० पासून सुरू होणाऱ्या नवीन तिमाहीत एसबीआयकडून व्याजदरात कपात होण्याची शक्यता वर्तवली जात आहे. एसबीआयचा गृहकर्ज व्याजदर सध्या ८.१५ टक्के आहे. नवीन वर्षात हा दर ७.९० टक्के होण्याची अपेक्षा आहे.
गृहकर्ज घेणाऱ्या ग्राहकांना एसबीआयद्वारे प्रक्रिया शुल्क सध्या माफ केले जात आहे. ज्यांनी अन्य बँकेतून गृहकर्ज घेतले आहे आणि आता त्यांना गृहकर्ज एसबीआयकडे हस्तांतरित करायचे आहे, तर त्यांना प्रक्रिया शुल्कामध्ये ५० टक्क्यांहून अधिक सूट दिली जात आहे. नवीन गृहकर्ज घेणाऱ्यांनाही प्रक्रिया शुल्कामध्ये ५० टक्क्यांपर्यंत सूट मिळत आहे.
| बँक | वेतनधारकांसाठी | विनावेतनधारकांसाठी |
| पीएनबी | 7.95 - 8.70 टक्के | उपलब्ध नाही |
| सेंट्रल बँक | 8.00 - 8.30 | उपलब्ध नाही |
| बँक ऑफ बडोदा | 8.15 - 9.15 | उपलब्ध नाही |
| इंडियन बँक | 8.20 - 8.4 | 8.30 - 8.55 |
| आयसीआयसीआय | 8.60 - 8.95 | 8.75 - 9.10 |
| बँक ऑफ इंडिया | 8.10 - 8.40 | 8.10 - 9.00 |
हेही वाचा -
बँक, विमा कर्मचारी ८ जानेवारीला संपावर
क्रेडिट कार्ड कर्जामुऴे त्रस्त असाल तर पाळा या टिप्स