सध्या क्रेडिट कार्डचा वापर वेगाने वाढत आहे. आजकाल ट्रॅव्हल कार्डसारखे क्रेडिट कार्डमध्येही वेगवेगळे पर्याय दिले जात आहेत. ग्राहकांना नेहमीच सल्ला दिला जातो की, क्रेडिट कार्डचा वापर मनाने न करता डोक्याने म्हणजे विचार करून करा, अन्यथा ते तुम्हाला कर्जाच्या सापळ्यात अडकवू शकते. यापासून वाचायचं असेल तर क्रेडिट कार्डच्या वापराची शिस्त लावावी लागेल. आज आम्ही तुम्हाला काही टिप्स देणार आहोत, ज्यामुळे तुम्हाला क्रेडिट कार्डच्या थकबाकीचा त्रास टाळता येईल.
१) जर आपण आपल्या क्रेडिट कार्डने मोठी रकमेची खरेदी केली असेल तर अशा परिस्थितीत आपण ही रक्कम ईएमआयमध्ये रूपांतरित करू शकता. जेणेकरुन ईएमआय कमी व्याज दर लागेल. आपण ही रक्कम ईएमआयमध्ये रूपांतरित करण्याची विनंती आपल्या बँकेलादेखील करू शकता. बँक ईएमआयसाठी मासिक व्याज, प्रक्रिया शुल्क आणि इतर शुल्क घेतात.
२) बऱ्याचदा क्रेडिट कार्डधारक आपल्या क्रेडिट कार्डचे बिल भरण्यास असमर्थ असतो. अशा परिस्थितीत क्रेडिट कार्ड देणारी बँक बॅलन्स ट्रान्सफरची सुविधा देतात. ही सुविधा क्रेडिट कार्ड धारकास त्याचे आंशिक किंवा पूर्ण क्रेडिट कार्ड बिल दुसऱ्या कार्डमध्ये हस्तांतरित करण्यास परवानगी देते. जर विद्यमान बँकेपेक्षा अन्य बॅंकेचे शिल्लक हस्तांतरण शुल्क आणि व्याज दर जास्त असेल तर ग्राहकांनी शिल्लक हस्तांतरित न करता पैसे भरण्याचा सल्ला दिला जातो.
३) आपल्याकडे एकापेक्षा जास्त क्रेडिट कार्ड असल्यास प्रथम आपण सर्वात जास्त व्याज दर असलेल्या क्रेडिट कार्डचे कर्ज परत करावे. कारण उच्च व्याजदराच्या व्याजाची रक्कम वेगाने वाढते, जी आपली आर्थिक परिस्थिती खराब करू शकते.
४) नेहमीच किमान रकमेपेक्षा जास्त पैसे देण्याचा प्रयत्न करा. केवळ कमीतकमी रक्कम भरल्यास कर्जाच्या जाळ्यात अडकण्याची शक्यता वाढू शकते. उच्च व्याजदराच्या क्रेडिट कार्डमध्ये फक्त कमीतकमी शिल्लक भरल्यामुळे आपले कर्ज अधिक व्याजामुळे मोठ्या प्रमाणावर वाढते.
५) स्वयंचलित पेमेंट सुविधेचा अवलंब करणे हा एक योग्य पर्याय आहे. वेळेवर बिल न भरल्यास दंड टाळण्यासाठी स्वयंचलित पेमेंट सुविधा उपयुक्त आहे. हे उशीरा पेमेंट फी आणि अधिक व्याज देण्यापासून वाचवेल.
६) कोणत्याही अतिरिक्त शुल्काबद्दल आणि फसवणुकीच्या व्यवहाराबद्दल जागरूक राहण्यासाठी आपली मासिक क्रेडिट कार्ड स्टेटमेन्ट नियमितपणे तपासा.
हेही वाचा -
'ह्या' मार्गाने पीपीएफमध्ये करा ऑनलाइन पैसे जमा
Share
Tweet
