महाराष्ट्र (maharashtra) गृहनिर्माण आणि क्षेत्र विकास प्राधिकरण (mhada) पुढील पाच वर्षांत मुंबई महानगर प्रदेशात (MMR) 7,00,000 हून अधिक घरांची निर्मिती करणार आहे. ज्यामध्ये शहरातील जवळपास 5,50,000 घरांचा समावेश असणार आहे.

असे म्हाडाचे उपाध्यक्ष आणि मुख्य कार्यकारी अधिकारी संजीव जयस्वाल यांनी सांगितले.

या घरांमध्ये लॉटरीद्वारे विकले जाणारी परवडणारे घरे, समावेशक गृहनिर्माण प्रकल्प, पुनर्विकास प्रकल्प, पंतप्रधान अनुदान प्रकल्प (PMGP) कॉलनीचे नूतनीकरण आणि गृहनिर्माण प्राधिकरणाद्वारे राबविण्यात येणारे क्लस्टर पुनर्विकास यांचा समावेश असेल.

गृहनिर्माण प्राधिकरणाकडून हिंदुस्तान टाईम्सने मिळवलेल्या माहितीनुसार, विकास नियंत्रण नियमावलीच्या कलम 33(7) अंतर्गत दक्षिण मुंबईतील (mumbai) उपकरप्राप्त इमारतींच्या पुनर्विकासाद्वारे 1,20,864 घरे निर्माण होण्याची अपेक्षा आहे.

डीसीआरच्या कलम 33(9) अंतर्गत उपकरप्राप्त इमारतींमधून आणखी 27,107 घरे निर्माण केली जातील.

तसेच भेंडी बाजार पुनर्विकास प्रकल्पातून 7,769 घरे, कामाठीपुराच्या पुनर्विकासातून 19,131 घरे, झोपडपट्टी पुनर्विकास प्राधिकरणासोबत संयुक्तपणे हाती घेतलेल्या झोपडपट्टी पुनर्विकास प्रकल्पांमधून 90,677 घरे आणि पीएमजीपी कॉलनीच्या पुनर्बांधणीतून 15,805 घरे निर्माण केली जातील.

या प्रकल्पांमधून मुंबईत एकूण 5,39,118 घरे निर्माण होतील, असे आकडेवारीवरून दिसून येत आहे.

या प्रकल्पांमध्ये पुनर्वसन घटक, विकासकांसाठी मोफत विक्री घटक आणि म्हाडाला (mhada) देण्यात येणाऱ्या युनिट्सचा समावेश असणार आहे.

एमएमआरमध्ये, गृहनिर्माण प्राधिकरण पुढील पाच वर्षांत 1,80,403 युनिट्स निर्माण करेल असे आकडेवारीवरून दिसून येते.

या युनिट्सद्वारे प्रधानमंत्री आवास योजना (88,797), कोकण मंडळाच्या गृहनिर्माण लॉटरी (22,606), समावेशक गृहनिर्माण प्रकल्प (60,000), एकात्मिक टाउनशिप प्रकल्पांमध्ये 15% युनिट्स (6,000) आणि डीसीआरच्या कलम 33(5) आणि क्लस्टर पुनर्विकास योजनेअंतर्गत (3,000) घरे निर्माण केली जातील.

या सुमारे 2,21,000 घरांपैकी फक्त एक अंशच म्हाडा येथे सोडतीद्वारे नागरिकांना विकण्यासाठी पाठवला जाईल.