सामान्यपणे चित्रपटगृहात आपण पॉपकॉर्न, समोसा असे स्नॅक्स खाऊ शकतो. पण तुम्हाला जर कुणी सांगितलं की, आता सिनेमागृहात चित्रपट पाहता पाहता जेवणाचा आनंद देखील घेता येईल तर? तुमचा विश्वास बसत नसेल. पण हे खरं आहे. आयनॉक्स चित्रपटगृहात आता चित्रपट पाहता पाहता तुम्हाला जेवणाचा आनंद लुटता येणार आहे.
वरळीतल्या एट्रिया मॉलमधल्या आयनॉक्स चित्रपटगृहात तुम्हाला ही नवीन सुविधा देण्यात आली आहे. जिथे लाइव्ह फूड काऊंटर्स असतील. याशिवाय बसण्याची व्यवस्था आणखी आरामदायी करण्यात आली आहे.
चित्रपटगृहातील स्क्रिन्ससाठी लेजर प्लेक्स या टेक्नोलॉजीचा वापर करण्यात आला आहे. यासोबतच डॉल्बी अॅटमॉस साऊंड आणि थ्री-डी वॉलफोनी सिस्टम्स या टेक्नोलॉजीमुळे प्रेक्षकांना चित्रपट पाहण्याचा अनुभव अधिक खुलवता येईल.
या आलिशान चित्रपटगृहातील तिकिटाची किंमत ऐकून तुम्हाला धक्काच बसेल. एका तिकिटाची किंमत १൦൦൦ रुपये आहे. तिकिटाची किंमत तशी जास्तच आहे. पण त्याबदल्यात तुम्हाला आरामदायी सुविधा दिली जात आहे.
हेही वाचा