आतापर्यंत तुम्ही स्वप्नील जोशीला रोमँटिक चित्रपटात भूमिका साकारताना पाहिलं असेल. पण पहिल्यांदाच तुम्हाला तुमचा आवडता चॉकलेट बॉय हॉरर चित्रपटात मुख्य भूमिकेत पाहायला मिळणार आहे. ‘जीसिम्स’ स्टुडिओचे अर्जुन सिंग बरान आणि कार्तिक निशाणदार यांची निर्मिती असलेल्या चित्रपटात तो झळकणार आहे. 'बळी’ असं या चित्रपटाचं नाव असून या सिनेमाचे नुकतेच पहिले पोस्टर प्रदर्शित झाले आहे.
स्वप्नील म्हणाला की, मी हॉरर चित्रपटांच्या क्षेत्रात पाऊल ठेवलं आहे. हा चित्रपट मला माझ्या आवडीच्या लोकांबरोबर करायची संधी मिळत असल्याचा अधिक आनंद आहे. कार्तिक आणि अर्जुन हे निर्माते आणि विशाल हे दिग्दर्शक, ही या क्षेत्रातील माझी आवडती माणसं आहेत. आमची ही टीम प्रेक्षकांना चांगलीच ‘घाबरवून’ सोडेल, याची मला पूर्ण खात्री आहे.” आता स्वप्नील जोशी प्रेक्षकांना घाबरवण्यास किती यशस्वी होतोय हे चित्रपट प्रदर्शित झाल्यानंतर कळेल.
हेही वाचा