महाराष्ट्रातील प्रदर्शनानंतर ‘मी शिवाजी पार्क’ हा मराठी चित्रपट आता परदेशात प्रदर्शित होणार आहे. दर्जेदार आशयाने परिपूर्ण असलेला हा चित्रपट परदेशातील मराठी प्रेक्षकांपर्यंत पोहोचणार आहे.
१८ ऑक्टोबरला महाराष्ट्रभरातील चित्रपटगृहात प्रदर्शित झालेला हा चित्रपट आता परदेशातही आपली घौडदौड सुरू करणार आहे. १ नोव्हेंबरला जर्मनीतील म्युनिचमध्ये, तर ३ नोव्हेंबरला स्वीडनमध्ये हा चित्रपट प्रदर्शित होणार आहे. २ नोव्हेंबर आणि ३ नोव्हेंबरपासून ‘मी शिवाजी पार्क’ अमेरिकेतील न्यू जर्सी, डल्लास, बे एरिया, फिलाल्डेफिया, पोर्टलॅण्ड, सियाटेल, अटलांटा, हॉस्टन या शहरांतील चित्रपटगृहांमध्ये प्रदर्शित होणार आहे.
‘मी शिवाजी पार्क’ हा चित्रपट भारतीय न्यायव्यवस्थेवर प्रकाशझोत टाकणारा आहे. मराठीतील पाच दिग्गज कलाकार आणि तितकेच ताकदीचे दिग्गज दिग्दर्शक यांच्या एकत्रित प्रयत्नातून साकारलेला चित्रपट परदेशातील प्रेक्षकांसाठी पर्वणी ठरणार आहे.
या चित्रपटात विक्रम गोखले, सतीश आळेकर, अशोक सराफ, शिवाजी साटम, दिलीप प्रभावळकर या दिग्गजांच्या जोडीला उदय टिकेकर, शरद पोंक्षे, सुहास जोशी, भारती आचरेकर, सविता मालपेकर, संतोष जुवेकर, सुशांत शेलार, दिप्ती लेले, मंजिरी फडणीस, दिप्ती धोत्रे आदि कलाकारांच्या भूमिका आहेत.
हेही वाचा -
महेश मांजरेकरांनी साधली दिग्गजांना एकत्र आणण्याची किमया
बाळासाहेब आणि ‘मी शिवाजी पार्क’