काही कलाकारांची कारकीर्द समांतर रेषेत सुरू असते, पण त्यांना कधीच एकत्र काम करण्याची संधी मिळत नाही. ‘मीडियम स्पाइसी’ या मराठी चित्रपटानं नीना कुलकर्णी आणि रवींद्र मंकणी या दोन दिग्गजांना एकत्र आणण्याची किमया साधली आहे.
मराठी, हिंदी चित्रपट आणि नाट्यसृष्टीत आपल्या वैविध्यपूर्ण अभिनयासाठी ओळखल्या जाणाऱ्या नीना कुलकर्णी नुकत्याच प्रदर्शित झालेल्या ‘मोगरा फुलला’ या चित्रपटात स्वप्नील जोशीच्या आईच्या भूमिकेत दिसल्या होत्या. नीना यांनी नेहमीच विविध कॅरेक्टर्सच्या माध्यमातून प्रेक्षकांवर आपला ठसा उमटवला आहे. रवींद्र मंकणी यांनी छोट्या पडद्यापासून मोठ्या पडद्यापर्यंत साकारलेल्या सर्वच व्यक्तिरेखांचं प्रेक्षकांनी कौतुक केलं आहे. असे हे दोन दिग्गज कलाकार लॅन्डमार्क फिल्म्सची निर्मिती आणि प्रस्तुती असलेल्या, मोहित टाकळकर दिग्दर्शित ‘मीडियम स्पाइसी’ या चित्रपटात एकत्र दिसणार आहेत.
हेही वाचा -
संजय मिश्रा म्हणतात 'बहुत हुआ सम्मान'
'बॉइज'नंतर 'गर्ल्स' करणार धमाल