राष्ट्रवादी काँग्रेसमधून भाजापात उडी मारणारे कोल्हापूरमधील नेते धनंजय महाडिक आणि चित्रा वाघ यांच्यावर पक्षाकडून मोठी जबाबदारी सोपवण्यात आली आहे. पक्षाने या दोन्ही नेत्यांना महाराष्ट्र प्रदेश उपाध्यक्षपदी नियुक्त केलं आहे.
भाजपाचे प्रदेशाध्यक्ष चंद्रकांत पाटील यांनी ही नियुक्ती केली आहे. महाडिक कोल्हापूरमधून राष्ट्रवादीचे खासदार होते. परंतु २०१९ च्या लोकसभा निवडणुकीत त्यांचा पराभव झाला. तर चित्रा वाघ याआधी राष्ट्रवादी काँग्रेसच्या महिला प्रदेशाध्यक्ष होत्या. या दोघांसोबतच सांगलीतील शेखर इनामदार यांचीही राज्याच्या उपाध्यक्षपदी नियुक्ती करण्यात आली आहे.
हेही वाचा-
जागावाटपात भाजपा वरचढ, शिवसेनेला ११० जागांची आॅफर?
७ सप्टेंबरला पंतप्रधान नरेंद्र मोदी करणार मुंबई दौरा