राष्ट्रवादी काँग्रेसचे (ncp) अध्यक्ष शरद पवार (sharad pawar) यांची संपत्ती (property) मागील ६ वर्षात ६० लाख रुपयांनी वाढली आहे. पवार यांनी राज्यसभेसाठी गुरूवारी उमेदवारी अर्ज (Candidate Application Form) भरला. यावेळी दाखल केलेल्या शपथपत्रात (Affidavit) त्यांनी आपल्या संपत्तीचा उल्लेख केला आहे.
मुंबईत विधानभवनात शरद पवार (sharad pawar) यांनी राज्यसभेसाठीचा उमेदवारी अर्ज भरला. शपथपत्रात (Affidavit) पवार यांनी आपली ३२.७३ कोटी रुपयांची संपत्ती जाहीर केली आहे. यामध्ये २५ कोटी २१ लाख ३३ हजार ३२९ कोटी रुपयांची जंगम आणि २ कोटी ५२ लाख ३३ हजार ९४१ रुपयांच्या स्थावर मालमत्तेचा समावेश आहे. त्यांच्यावर १ कोटी रुपयांचं कर्जही आहे. प्रतिभा पवार यांना 'ऍडव्हान्स डिपॉझिट' म्हणून ५० लाख रुपये मिळाल्याचंही त्यांनी शपथपत्रात नमूद केलंय. अजित पवार यांच्या पत्नी सुनेत्रा पवार यांच्याकडून शेअर ट्रान्सफरसाठी हे पैसे मिळाल्याचं नमूद करण्यात आलं आहे.
महाराष्ट्रातून राज्यसभेच्या ७ जागा रिक्त झाल्या आहेत. यासाठी निवडणूक होत असून १३ मार्च ही उमेदवारी दाखल करण्याचा करण्यासाठी शेवटची तारीख आहे. उमेदवारी अर्जांची पडताळणी १६ मार्च रोजी होणार आहे. १८ मार्चपर्यंत उमेदवारी अर्ज मागे घेता येतील. महाराष्ट्रातील राजकीय स्थिती पाहत भाजप ३, काँग्रेस-राष्ट्रवादी आणि शिवसेनेचे प्रत्येकी एक सदस्य राज्यसभेत दाखल होऊ शकतील.
हेही वाचा -