एअर इंडिया या सरकारी विमान कंपनीच्या विमानांची तांत्रीक बाब सांभाळणारा ‘सीटा’ सर्व्हर डाऊन झाल्यानं देशभरात एअर इंडियाची विमान ठप्प झाली होती. पहाटे ३.३० वाजताच्या सुमारास सर्व्हर डाऊन झाल्यानं याचा फटका शेकडो प्रवाशांना बसला. त्यांचा चांगलाच खोळंबा झाला होता. मात्र, तब्बल ५ तासांनंतर सर्व्हर सुरू झाल्यानं विमानतळावर अडकून राहिलेल्या प्रवाशांनी अखेर सुटकेचा निश्वास सोडला.
'सीटा' सर्व्हर हे एअर इंडियाच्या आयटी आणि कम्युनिकेशन विभागाची अत्याधुनिक यंत्रणा आहे. सर्व्हर डाऊन झाल्यामुळं प्रवाशांना चेक इन करता येत नव्हतं, त्याचबरोबर इतरही तांत्रिक बाबी पूर्ण होण्यास अडचणी येत होत्या. यामुळं एअर इंडियाच्या दिल्ली आणि मुंबई विमानतळांसह जगभरातील प्रवाशांना या अडचणीला तोंड द्यावं लागत होतं. याबाबत कोणतीही माहिती मिळत नसल्यानं प्रवाशांमध्ये संतापाचं वातावरण निर्माण झालं होतं.
सीटा सर्व्हर डाऊन झाल्याची माहिती मिळताच एअर इंडियाचे अभियंते दुरूस्तीचं काम करत होते. मात्र, सर्व्हर सुरळीत झालं असले तरी विमानसेवा मात्र अजूनही विस्कळीत असल्याचे समजते आहे.
हेही वाचा -
बघा तो व्हिडिओ... 'खोटं बोल पण, रेटून बोल म्हणजे राज ठाकरे' - आशिष शेलार
कालिदास कोळंबकर पंतप्रधानांच्या रॅलीत