आर्थिक समस्येत अडकलेली विमान कंपनी स्पाइसजेटने विमानांच्या उड्डाणात कपात केली होती. मात्र आता सर्व उड्डाणं अॉक्टोबरपासून पुन्हा सुरू होणार आहेत. छत्रपती शिवाजी महाराज आंतरराष्ट्रीय विमानतळावरील टर्मिनल २ वरून स्पाइसजेटची विमानं उड़्ाणे करतील. १ ऑक्टोबरपासून या कंपनीचं मुंबई विमानतळावरील सर्व कामकाज टर्मिनल २ वर स्थलांतरीत करण्यात येणार असल्याचं कंपनीनं मंगळवारी सांगितलं. प्रवासी विमानांसह मालवाहू विमानही याचं टर्मिनलवरून रवाना होणार आहेत.
एकाच टर्मिनलवर कंपनीचं कामकाज होणार असल्यानं कंपनीचा खर्च कमी होणार आहे, असं स्पाइसजेटचे अध्यक्ष व व्यवस्थापकीय संचालक अजय सिंह यांनी सांगितलं. सध्यस्थितीत विमान कंपन्या विमानतळावरून दररोज १५० विमानांचं उड्डाण करते. यामधील बहुतेक उड्डाण जुन्या १ बी टर्मिनसवरून होतं.
मागील ४ महिन्यात स्पाइसजेटनं ७८ उड्डाणं सुरु केली आहेत. यामध्ये मुंबईहून जम्मू, देहरादून, गुवाहाटी, जयपुर, अमृतसर, मंगळुरू, क्योम्बटूर याठिकाणी विमानसेवा सुरू केली आहे.
हेही वाचा -
मुंबई विद्यापीठाला ‘ग्लोबल एज्युकेशन - २०१९’ पुरस्कार
पारले कंपनी मंदीच्या विळख्यात, १० हजार कर्मचाऱ्यांवर बेरोजगारीची कुऱ्हाड