मध्य रेल्वे (CR) डॉ. बाबासाहेब आंबेडकर जयंतीच्या (Ambedkar Jayanti) निमित्ताने प्रवाशांच्या सोयीसाठी, 13 आणि 14 एप्रिलच्या मध्यरात्री मुंबई लोकलच्या (mumbai local) चार विशेष फेऱ्या (special train) चालवणार आहे.

मध्य रेल्वेच्या (central railway) मुंबई विभागाच्या (DRM) अधिकृत अधिसूचनेनुसार, या विशेष गाड्या CSMT–कल्याण आणि CSMT–पनवेल या मार्गांवर धावतील.

याबाबतचा तपशील खालीलप्रमाणे आहे:

मुख्य मार्ग (Main Line)

विशेष गाडी दि. 14.04.2026 रोजी 01.30 वाजता CSMT वरून सुटेल आणि 03.00 वाजता कल्याणला पोहोचेल.

विशेष गाडी दि. 14.04.2026 रोजी 01.30 वाजता कल्याणवरून सुटेल आणि 03.00 वाजता CSMT ला पोहोचेल.

हार्बर मार्ग (Harbour Line)

विशेष गाडी दि. 14.04.2026 रोजी 01.30 वाजता CSMT वरून सुटेल आणि 02.50 वाजता पनवेलला पोहोचेल.

विशेष गाडी दि. 14.04.2026 रोजी 01.30 वाजता पनवेलवरून सुटेल आणि 02.50 वाजता CSMT ला पोहोचेल.

दि. 14.04.2026 रोजी उपनगरीय रेल्वे सेवा नेहमीच्या वेळापत्रकानुसारच धावतील.

प्रवाशांनी याची नोंद घ्यावी आणि या सुविधांचा लाभ घ्यावा, अशी विनंती करण्यात येत आहे.

याव्यतिरिक्त, या विशेष प्रसंगी प्रवाशांच्या सोयीसाठी 'बृहन्मुंबई विद्युत पुरवठा आणि परिवहन' (BEST) उपक्रम दादर स्थानकापासून शिवाजी पार्क आणि चैत्यभूमीपर्यंत अतिरिक्त बस सेवा (buses) चालवणार आहे.

प्राप्त माहितीनुसार, या बस सेवा 14 एप्रिल रोजी मध्यरात्री 12.01 वाजल्यापासून रात्री 10 वाजेपर्यंत उपलब्ध असतील. ज्यामुळे अनुयायांना प्रवास करणे अधिक सोयीचे होईल.

रेल्वे आणि BEST हे दोन्ही विभाग अभ्यागतांच्या वाहतुकीत कोणताही अडथळा येऊ नये यासाठी परस्परांशी समन्वय साधून काम करतील, असे एका अधिकाऱ्याने सांगितले.

तसेच, या ठिकाणी रुग्णवाहिका तैनात केल्या जातील आणि सीसीटीव्ही पाळत व मोठा पोलीस बंदोबस्त यासह एक मध्यवर्ती नियंत्रण कक्षही (Central Control Room) उभारण्यात येईल, अशी माहितीही त्यांनी दिली.

हेही वाचा

लोकलमध्ये गर्भवती महिलांसाठी विशेष डब्याची मागणी

'या' तारखेला दक्षिण मुंबईत पाणीकपात