मुंबईच्या उपनगरीय लोकल (mumbai local) ट्रेनमध्ये गर्भवती महिलांसाठी एक स्वतंत्र डबा सुरू करण्याची मागणी करण्यात आली आहे.

भाजप (bjp) नेते प्रभाकर शिंदे यांनी, गर्भवती महिलांना रोजच्या प्रवासात होणाऱ्या त्रासाचा हवाला देत, रेल्वे प्रशासनाला या प्रस्तावावर विचार करण्याचे आवाहन केले आहे.

सध्या, मुंबई (mumbai) लोकल ट्रेनमध्ये महिला, ज्येष्ठ नागरिक (senior citizens) आणि दिव्यांग व्यक्तींसाठी आरक्षित सीट्स आणि डबे आहेत.

तसेच गर्भवती महिलांना (pregnant ladies coach) दिव्यांगजन डब्यातून प्रवास करण्याची परवानगी असली तरी, तो डबा केवळ त्यांच्यासाठीच आरक्षित नाही. इतकंच नाही तर गर्दीच्या वेळेत दिव्यांगजन डब्यात इतर प्रवासी चढतात. त्यामुळे त्या डब्यातून प्रवास करणे कठीण होऊन बसते.

गर्दीच्या समस्येवर प्रकाश टाकत प्रभाकर शिंदे यांनी निदर्शनास आणून दिले की, गर्भवती महिलांना प्रवासादरम्यान अनेकदा अस्वस्थता आणि आरोग्याच्या संभाव्य धोक्यांचा सामना करावा लागतो.

तसेच त्यांनी यावर जोर दिला की, एका स्वतंत्र डब्यामुळे त्यांचा प्रवास अधिक सुरक्षित आणि सोयीस्कर होण्यास मदत होईल.

ट्रेन प्रवासादरम्यान गर्भवती महिलांना वैद्यकीय आपत्कालीन परिस्थितीचा सामना करावा लागल्याच्या अनेक घटनांच्या पार्श्वभूमीवर या मागणीला महत्त्व प्राप्त झाले आहे.

त्यामुळे रेल्वे प्रशासनाकडून लवकरच मुंबई लोकल मध्ये गर्भवती महिलांसाठी विशेष आरक्षित डबा सुरू होणार का याकडे सर्वांचे लक्ष लागून आहे.

हेही वाचा

गाळामुळे मुंबईच्या धरणांतील पाणीसाठा कमी होणार?

बंगळूर-मुंबई मार्गासाठी 'वंदे भारत स्लीपर'ला मंजुरी