बेस्ट 'तेजस्विनी' बसच्या संख्येत करणार वाढ

बेस्टनं प्रवास करणाऱ्या महिला प्रवाशांच्या संख्येत वाढ होत चालली आहे. गतवर्षी बेस्टनं महिला प्रवाशांसाठी तेजस्विनी बस सेवेत दाखल केली. यामधून महिलांना प्रवास करण्यास मूभा आहे. त्याला महिलांचा चांगला प्रतिसाद मिळत असून, सध्यस्थिती त्यांच्यीही संख्या पुरूषांप्रमाणे वाढत असल्यानं येत्या आर्थिक वर्षात बेस्टनं तेजस्विनी बसच्या संख्येत अतिरिक्त वाढ करण्याचा निर्णय घेतला आहे. 

बेस्टनं दररोज ३३ लाख प्रवासी प्रवास करतात. यामध्ये १२ लाख महिला प्रवासी आहेत. बेस्टनं ३७ तेजस्विनी बस खरेदी केल्या होत्या. यामधील प्रत्येक बसची किंमत २९ लाख रुपये आहे. ३७ बसमधील २६ बस सेवेत असून ११ बस राखीव ठेवण्यात आल्या आहेत.

गतवर्षी बेस्टनं प्रवासी तिकीटात मोठी कपात केली. प्रवासी संख्येत मोठ्या प्रमाणात वाढ झाली आहे. यामध्ये महिला संख्याही जास्त आहे.