Advertisement

ऑक्सफोर्ड यूनिवर्सिटी द्वारा धारावी पैटर्न की सराहना

कोरोना नियंत्रण के वर्तमान पैटर्न को विश्व स्वास्थ्य संगठन और विश्व बैंक द्वारा देखा गया है, और अब ऑक्सफोर्ड विश्वविद्यालय द्वारा भी इसकी तारीफ की गई है

ऑक्सफोर्ड यूनिवर्सिटी द्वारा धारावी पैटर्न की सराहना
SHARES

कोरोना नियंत्रणाच्या धारावी पॅटर्नची दखल जागतिक आरोग्य संघटना आणि जागतिक बँकेने घेतल्यानंतर आता ऑक्सफर्ड विद्यापीठानेही घेतली आहे. कोरोना रोखण्यासाठी सर्वांनीच धारावीकडून धडे घेण्याचा सल्ला ऑक्सफर्ड विद्यापीठाने दिला. त्याचप्रमाणे ओदिशातील गंजामचे मराठमोळे जिल्हाधिकारी विजय कुलांगे यांच्या कामाचीही दखल घेण्यात आली आहे. 


कोरोनाचे संक्रमण वेगाने पसरते. त्यामुळे लहान लहान भागातील रुग्णांवर आणि तेथील परिस्थितीवर लक्ष केंद्रीत करायला हवं, यावर ऑक्सफर्ड विद्यापीठाने अभ्यास केला. यासाठी जगातील ३१० शहरांचा अभ्यास करण्यात आला. या अभ्यासात ओदिशातील गंजाम आणि महाराष्ट्रातील धारावीचा उल्लेख केला आहे. या दोन्ही ठिकाणांचं 


ऑक्सफर्ड विद्यापीठाने कौतुक केलं आहे. ऑक्सफर्ड आणि पूर्वोत्तर विद्यापीठांच्या टीमने याविषयी संशोधन केले होते. घनदाट लोकसंख्या असलेल्या लहान वस्तीत कोरोनाचा संसर्ग वेगाने होत असल्याचे समोर आले. खेड्यांच्या तुलनेत शहरी भागात संसर्ग वेगाने पसरत असल्याचे निरीक्षणही त्यांनी नोंदवले. माद्रिद आणि लंडनसारख्या घनदाट लोकसंख्या असलेल्या भागाकडे लक्ष न दिल्याने कोरोना संसर्ग वाढला. प्रत्येक शहरासाठी सारखी पद्धत असेलच असे नाही, परंतु स्क्रीनिंगची पद्धत सारखीच असावी, असंही ऑक्सफर्ड विद्यापीठाने म्हटलं आहे.


आशियातील सर्वात मोठी झोपडपट्टी म्हणून ओळखल्या जाणाऱ्या धारावीत सुरूवातीला कोरोनाचा फैलाव वेगाने झाला होता. मुंबई महापालिका, डॉक्टर आणि स्वयंसेवी संस्थांनी केलेल्या अथक प्रयत्नांमुळे धारावीतील कोरोना नियंत्रणात आला. त्यामुळे धारावी कोरोनाशी लढा देणाऱ्या जगभरातील देशांसाठी एक आदर्श बनला आहे. 

Read this story in English or मराठी
संबंधित विषय
Advertisement