अमेझॉन प्राईम व्हिडियोतर्फे ‘शेरशाह’ या चित्रपटाच्या प्रीमिअरची आज घोषणा करण्यात आली. कारगीलमध्ये पराक्रम केलेल्या कॅप्टन विक्रम बत्रा यांच्या जीवनपटावरून प्रेरणा घेत निर्मिती करण्यात आलेल्या या युद्धनाट्यामध्ये अभिनेता सिद्धार्थ मल्होत्रा मुख्य भूमिकेत दिसणार आहे.
विष्णू वर्धन यांचे दिग्दर्शन आणि धर्मा प्रोडक्शन्स आणि काश एंटरटेनेमेंट यांची संयुक्त निर्मिती असलेला ‘शेरशाह’ हा बॉलिवूडचा या वर्षातील सर्वात मोठा युद्धावर आधारित चित्रपट असेल. भारत आणि जगभरातील २४० हून देशांमधील आणि प्रदेशांमधील चाहत्यांना हा रोमांचक चित्रपट १२ ऑगस्ट पासून केवळ अमेझॉन प्राईम व्हिडियोवर पाहायला मिळणार आहे.
या चित्रपटात सिद्धार्थ मल्होत्रा आणि किआरा अडवाणी यांच्या मुख्य भूमिका आहेत आणि शिव पंडित, राज अर्जुन, प्रणय पचौरी, हिमांशू अशोक मल्होत्रा, निकितिन धीर, अंकिता गोराया, अनिल चरणजीत, साहिल वैद, शताफ फिगर आणि पवन चोप्रा महत्त्वाच्या भूमिकांमध्ये आहेत.
शेरशहा ही शौर्य, प्रेम आणि त्यागाची कहाणी आहे. कॅप्टन विक्रम बत्रा (पीव्हीसी) यांच्या जीवनपटावरून प्रेरणा घेत या चित्रपटाची निर्मिती करण्यात आली आहे. या चित्रपटाच्या निमित्तानं त्यांच्या पराक्रमाची गाथा उलगडण्यात आली आहे.
१९९९ सालातील कारगीलच्या युद्धात त्यांनी दिलेल्या बलिदानाला मानवंदना देण्यात येत आहे. आपले ‘शेरशाह’ हे नाव सार्थ करत कॅप्टन बत्रा यांनी दिलेला साहसी लढा आणि सरतेशेवटी केलेलं बलिदान भारताच्या विजयामध्ये महत्त्वाचं ठरलं होतं.
“या देशाच्या मातीत रुजलेल्या, फुललेल्या आणि जगभरातील प्रेक्षकांना आपल्या वाटणाऱ्या गोष्टी प्रेक्षकांना सांगण्यास अमेझॉन प्राइम व्हिडियोमध्ये आम्ही प्रयत्नशील असतो.”, असे अमेझॉन प्राईम व्हिडियो, इंडियाचे संचालक आणि कंटेन्ट विभागाचे प्रमुख विजय सुब्रमण्यम म्हणाले.
धर्मा प्रोडक्शन्सचे करण जोहर म्हणाले, ‘शेरशाह’ ही युद्धात शौर्य गाजविलेल्या युद्धनायकाची कथा आहे. त्यांनी केलेले बलिदान अनमोल आहे आणि त्यांचा जीवनपट येणाऱ्या कित्येक पिढ्यांना प्रेरणा देणारा आहे. ‘शेरशाह’ ही आपल्या सैनिकांना दिलेली मानवंदना आहे आणि हा चित्रपट पाहून प्रत्येक प्रेक्षकाची छाती अभिमानं फुलून येईल, अशी मला आशा आहे.'
Share
Tweet
