जुहूतील हॉटेल सी प्रिंसेसमध्ये आग

मुंबईतील जुहू परिसरात सोमवारी सकाळच्या सुमारास आग लागल्याची माहिती समोर येत आहे. जुहूतील हॉटेल सी प्रिंसेसमध्ये आग लागली होती. सोमवारी सकाळी १०:३५ वाजताच्या सुमारास आग लागली होती. या आगीत कोणतीही जीवितहानी झालेली नाही.

मिळालेल्या माहितीनुसार, हॉटेल सी प्रिंसेसच्या पहिल्या मजल्यावर आग लागली होती. आगीची माहिती मिळताच स्थानिकांनी पाण्याचा स्त्रोत सुरू ठेवत आगीवर नियंत्रण मिळवलं.

आगीची माहिती मिळाल्यानंतर तातडीनं अग्निशमन दल आणि पोलिसांनी धाव घेत चौकशीला सुरूवात केली. मिळालेल्या माहितीनुसार, ही आग संबंधित परिसरात असलेल्या कचऱ्याला लागली.