महाराष्ट्र (maharashtra) राज्य रस्ते विकास महामंडळाने (msrdc) वांद्रे (bandra) रेक्लेमेशन (reclamation) प्रोमेनेड येथे एक मोठा LED sphere बांधण्याचा प्रस्ताव दिला आहे. मुंबई (mumbai) आय प्रकल्प रद्द झाल्यानंतर लगेचच ही माहिती समोर आली आहे.

प्रस्तावाची नियोजित संरचना वांद्रे वरळी सी लिंक (BWSL) जवळ असणार आहे. एमएसआरडीसीने असा दावा केला आहे की, यामुळे शहराला चांगले रुप येईल. LED sphere चा व्यास 50 फूट असणे अपेक्षित आहे. हे एलिव्हेटेड प्लॅटफॉर्मवर ठेवले जाईल आणि तीन बाजूंनी एलईडी स्क्रीन असतील. तसेच चौथ्या बाजूला सोलार पॅनेल असतील.

एमएसआरडीसीच्या प्रकल्प दस्तऐवजानुसार, स्क्रीनचा वापर जाहिराती आणि जनजागृतीबाबत संदेश देण्यासाठी केला जाईल. तसेच आपत्ती व्यवस्थापन आणि देशभक्तीपर मजकूरही प्रदर्शित केला जाईल. या प्रकल्पात उद्यान, सौर पॅनेल आणि ठिबक सिंचन प्रणालीचाही समावेश आहे. 

हा प्रकल्प एका खाजगी कंत्राटदाराच्या सहकार्याने 20 वर्षांच्या कालावधीत चालविला जाईल. msrdc म्हणते की, हे क्षेत्र एक पर्यावरणीय पर्यटन स्मारक असेल जे शहराच्या सौंदर्यात भर घालेल.

मात्र, रहिवाशांचा या प्रकल्पाला विरोध होत आहे. सी लिंकच्या समुद्रकिनाऱ्याचे व्यावसायिकीकरण करण्याचा हा प्रयत्न असल्याचे त्यांचे म्हणणे आहे. हे 1999 च्या पर्यावरण आणि वन मंत्रालयाच्या नियमांचे उल्लंघन करेल, जे त्या क्षेत्रातील कोणत्याही निवासी किंवा व्यावसायिक विकासास मनाई करते.

यापूर्वी, मुंबई महानगर प्रदेश विकास प्राधिकरणाने (mmrda) त्याच जागेसाठी मुंबई आय फेरीस व्हीलचा प्रस्ताव दिला होता. रहिवाशांच्या विरोधाचा सामना केल्यानंतर मे 2023 मध्ये ही योजना वगळण्यात आली.

हेही वाचा

हितेंद्र ठाकूर वसईतून लढणार

मुंबई घाटकोपर रेल्वे स्थानकाचा पुनर्विकास 50 टक्के पूर्ण