अंधेरी (andheri) पूर्वेतील जोग उड्डाणपुलाच्या दुरूस्तीची जबाबदारी कोणाची यावरून मुंबई महानगर प्रदेश विकास प्राधिकरण (mmrda) आणि बृहन्मुंबई महानगरपालिका (bmc) यांच्यातील वाद अद्यापही सुटलेला नाही. तरी, ही दुरुस्ती स्वतंत्रपणे करायची की नाही, यावर महापालिका विचार करत आहे.

पुलाची मालकी असलेल्या राज्य सरकारच्या सार्वजनिक बांधकाम विभागाला (PWD) हस्तक्षेप करण्याची विनंती करण्यात येत आहे.

उड्डाणपुलाच्या दुरुस्तीसाठी बीएमसीने आधीच 95 कोटी रुपयांच्या निविदा काढल्या आहेत. परंतु भूषण गगराणी यांनी अद्याप अंतिम निर्णय घेतलेला नाही.

वीरमाता जिजाबाई टेक्नॉलॉजिकल इन्स्टिट्यूट (VJTI)ने एप्रिल 2024 चा ऑडिट अहवाल सादर केला होता. ज्यामध्ये अनेक एजन्सींमधील वादाच्या दरम्यान उड्डाणपूल नाजूक स्थितीत होता. महिनाभरात त्याची दुरुस्ती करण्याची शिफारस केली गेली होती. मात्र जुलैमध्ये उड्डाणपुलाच्या एका भागाचा मोठा स्लॅब गाडीवर पडल्याने परिस्थितीचे गांभीर्य प्रशासनाच्या लक्षात आले होते.

व्हीजेटीआय शहरातील इतर नऊ पुलांचीही यादी केली आहे. ज्यांना मोठ्या दुरुस्तीची गरज आहे. ज्यात वांद्रे पूर्वेतील कला नगर उड्डाणपूल, चुनाभट्टी येथील भगवान स्वामी नारायण उड्डाणपूल, चेंबूरमधील अण्णाभाऊ साठे उड्डाणपूल, चेंबूरमधील अमर महालक्ष्मी उड्डाणपूल, अंधेरी घाटकोपर लिंक रोड उड्डाणपूल आणि मुलुंडमधील नवघर उड्डाणपूल यांचा समावेश आहे.

महापालिकेच्या पूल विभागातील एका अधिकाऱ्याने सांगितले की, “या सर्व पुलांच्या दुरुस्तीची गरज आहे. परंतु,"कला नगर उड्डाणपुलाच्या दुरुस्तीसाठी दोन महिने प्रतीक्षा करावी लागेल.

 मात्र अंधेरी पूर्व उड्डाणपुलाची अवस्था गंभीर आहे. हा उड्डाणपुल अजूनही कसा उभा आहे हे आश्चर्यकारक आहे. त्यामुळे व्हीजेटीआयने एका महिन्यात या पुलाचे दुरुस्तीचे काम करण्याची शिफारस केली होती. निर्णय घेण्यास होणारा विलंब जनतेला महागात पडू नये, असे झाले तर पूल कोसळेल आणि संपूर्ण मुंबई ठप्प होईल. 

डॉ. अभय बांबोळे, डीन इन्फ्रास्ट्रक्चर अँड मेंटेनन्स, व्हीजेटीआय यांनी त्यांच्या अहवालात असे स्पष्ट केले आहे की,“पुलाची वरची रचना खराब अवस्थेत आहे." 

नवीन बेअरिंग्ज बसवून खराब झालेले पेडेस्टल तात्काळ दुरुस्त करणे आवश्यक आहे. शिवाय, उड्डाणपुलाच्या खाली असलेले आरसीसी शॉपिंग कॉम्प्लेक्स काढून टाकण्याची शिफारस देखील करण्यात आली आहे. कारण ते गंभीर अवस्थेत आहे.

एका वरिष्ठ प्रशासकीय अधिकाऱ्याने हिंदुस्थान टाईम्सला सांगितले की, जेव्हा एमएमआरडीएने (MMRDA) वेस्टर्न एक्स्प्रेस हायवे आणि ईस्टर्न एक्स्प्रेस हायवे वरील पूल देखभालीसाठी महापालिकेकडे सुपूर्द केले. 

पुलांची वेळेवर दुरुस्ती झाली नाही तर नुसती सुरक्षाच नाही तर जीव धोक्यात येतो. पुलाची वेळेवर दुरुस्ती करणे अत्यंत महत्त्वाचे असून, हे आमच्या निदर्शनास आणून दिल्यानंतर दुरुस्तीचे काम हाती घेणे गरजेचे होते. ते आता अंमलबजावणीच्या विविध टप्प्यांवर आहेत,” असे अधिका-याने सांगितले.

हेही वाचा

माहीमचा किल्ला वरळी किल्ल्याशी जोडला जाणार

मुंबई : महारेरा वेबसाईट दोन दिवस बंद राहणार