गुगल फोटोजअंतर्गत देण्यात येणाऱ्या अनलिमिटेड फ्री क्लाउड स्टोरेजवर १ जूनपासून म्हणजेच १जून मंगळवारपासून बंधनं घालण्यात आली आहे. गुगलनं मागील वर्षीच यासंदर्भातील घोषणा केली होती. गुगल फोटो ड्राइव्ह मॉनेटाइज करण्यात येणार आहे. म्हणजेच शुल्क आकारण्यात येणार आहे. दरम्यान, नव्या नियमांनुसार क्लाउड स्टोरेज सेवेसाठी आता वापरकर्त्यांना पैसे भरावे लागणार आहेत. मंगळवार १ जूनपासून हा नियम लागू होत असून या नवीन नियमामुळं अनेकांना आता आपल्याला गुगल स्टोअरवरील फोटो आणि व्हिडीओ पाहता येणार नाही अशी भीती वाटत आहे.
ज्या वापरकर्त्यांनी गुगल फोटोवर १५ जीबीपेक्षा कमी मीडिया कंटेंट स्टोअर करुन ठेवला आहे त्यांना चिंता करण्याची गरज नाही. ज्या वापरकर्त्यांनी १५ जीबीपेक्षा अधिक जास्त माहिती गुगल फोटोजच्या माध्यमातून स्टोअर केली असेल त्यांना आता डेटा परत न मिळण्याची चिंता वाटत आहे. मात्र यापैकी अनेकांनी गुगल फोटोजवरील आपले फोटो आणि व्हिडीओ खूप आधीपासूनच डाऊनलोड करुन सेव्ह करण्यास सुरुवात केली आहे.
यामध्ये गुगलच्या सर्व प्रोडक्टसाठी समान वाटप करुन स्पेस उपलब्ध करुन दिली जाईल. यात अगदी फोटोंपासून ईमेलपर्यंत सर्व सेवांचा समावेश असेल. आधीच्या फोटोवर नवीन धोरणांचा काहीच परिणाम होणार नसल्याचं कंपनीने स्पष्ट केलं आहे. १ जूनपासून १५ जीबीपेक्षा अधिक माहिती गुगल फोटोजच्या माध्यमातून सेव्ह करायची असेल तर वापरकर्त्यांना गुगल वन सेवेचं सबक्रिप्शन घ्यावं लागणार आहे.
गुगलवर लॉगइन करुन one.google.com/storage/management या लिंकच्या माध्यमातून किती स्टोरेज शिल्लक आहे हे वापरकर्त्यांना पाहता येईल.
हेही वाचा -
मुंबईतील लसीकरणाचा पालकमंत्री आदित्य ठाकरे यांनी घेतला आढावा
मुंबईतील मूर्तिकारांसाठी स्वस्त दरात शाडूची माती