महाराष्ट्रात कोरोनाव्हायरसच्या रुग्णांमध्ये वाढ झाली आहे. अहवालानुसार, राज्यभरातील काही डॉक्टरांनी कोरोनाव्हायरसची चाचणी करण्यासाठी क्षयरोग तपासणीसाठी वापरण्यात येणाऱ्या तंत्रज्ञानाचा वापर केला आहे. ट्रूनाट असं या पोर्टेबल वैद्यकीय उपकरणाचं नाव आहे. या पद्धतीनं जवळपास २६ हजार रुग्णांची तपासणी करण्यात आली.
या पद्धतीनं केलेल्या चाचणीमध्ये जवळपास २० टक्के रुग्णांच्या चाचण्या पॉझिटिव्ह आल्या. क्षयरोग (टीबी) आजाराचे निदान करण्यासाठी ट्रूनाट हे उपकरण बनवले होते. पण आता त्याचा उपयोग कोरोनाची चाचणी करण्यासाठी होत आहे. त्यामुळे यापुढे राज्य आरोग्य विभाग आपत्कालीन परिस्थितीत या पद्धतीनं चाचणीचा विचार करू शकतं. कारण यातून निकाल केवळ २० मिनिटांत दिसून येतो.
आरटी-पीसीआर चाचणी किटमध्ये प्राथमिक निदानासाठी दोन चरणांचा उपयोग केला गेला. ज्यात प्रथम ई-जीन स्क्रीनिंगचा समावेश आहे आणि दुसर्‍यामध्ये विषाणूमध्ये सापडलेल्या एन्झाइमाचा तपास केला जातो.
आतापर्यंत चाचण्यांमध्ये २९ टक्के सकारात्मक परिणाम दिसून आले आहेत. ज्यात जनुकासाठी ७ हजार ६०० पेक्षा जास्त नमुन्यांची चाचणी घेण्यात आली आहे. कोरोनाव्हायरससाठी ९० टक्क्यांहून अधिक नमुन्यांची सकारात्मक चाचणी घेण्यात आल्याची नोंद आहे. तथापि, त्यासंबंधी अधिकृत पुष्टी करण्यात आली नाही.
इतर चाचण्यांच्या तुलनेत सध्या मर्यादित संख्येनं ट्रूनाट चाचण्या घेतल्या जातात. तथापि, निकालांमुळे अधिकाऱ्यांनी ती वाढवण्याची योजना आखली आहे. तज्ञांनी याची पुष्टी केली आहे की, ही चाचणी त्वरित स्क्रिनिंग प्रक्रियेसाठी फायदेशीर ठरेल आणि अशा ठिकाणी पोर्टेबिलिटीला प्राधान्य दिलं जाईल. मोबाईल चाचणी केंद्रांसह असलेले विभाग झोन या चाचणीचा सर्वाधिक वापर करू शकतात.
बृहन्मुंबई महानगरपालिकेच्या अधिका्यांनी हिंदुस्तान टाईम्सशी बोलून चाचणीच्या फायद्यांची पुष्टी केली. सध्या वापरल्या जाणार्‍या इतर आरटी-पीसीआर चाचण्यांच्या तुलनेत सीबी-नाएट आणि ट्रूनार्ट हे दोन्ही किमतीचे पर्याय आहेत. रुग्णालयांना निदान करण्यासाठी आणि आणीबाणीच्या परिस्थितीत हे मशीन वापरण्याचा विचार करण्यास सांगितलं गेलं आहे.
हेही वाचा