मराठी चित्रपटसृष्टीतील बऱ्याच अभिनेत्रींनी अल्पावधीतच लक्ष वेधून घेत आपल्या अभिनयाचा ठसा उमटवण्यात यश मिळवलं आहे. अशाच अभिनेत्रींपैकी एक असलेली शीतल अहिरराव आता भाऊ कदमसोबत दिसणार आहे.
शीतलबाबत सांगायचं तर तिनं यापूर्वी 'H2O कहाणी थेंबाची' मध्ये साकारलेली सियानं सर्वांचं लक्ष वेधलं होतं. याखेरीज शीलतनं 'जलसा', 'मोल, 'फक्त एकदाच', 'होरा', 'सलमान सोसायटी' या चित्रपटांसोबत 'वॉक तुरु तुरु', ल'ई भारी पोरी', 'इश्काचा किडा' या धमाल म्युझिक अल्बम्समध्येही काम केलं आहे. आता विनोदवीर भाऊ कदमसोबत शीतलच्या अभिनयाची जुगलबंदी पहायला मिळणार आहे. 'व्हीआयपी गाढव' या आगामी मराठी चित्रपटात शीतल आणि भाऊ यांची जोडी जमल्याचं पहायला मिळणार आहे. या चित्रपटात दोघेही नवरा-बायकोच्या भूमिकेत दिसणार आहेत. भाऊ कदमसारख्या मातब्बर कलाकारासमवेत काम करताना शीतलच्या अभिनयाचा चांगलाच कस लागला आहे. नेहमी हलक्या फुलक्या भूमिकांमध्ये दिसलेली शीतल पहिल्यांदाच एका गावरान स्त्रीच्या भूमिकेत प्रेक्षकांना हसवणार आहे.
हेही वाचा -
दशकानंतर संजय-मनिषा पुन्हा एकत्र
आयुष्मान-रितेशला लागली दादा कोंडकेंच्या ‘ढगाची कळ…’
ईद २०२० ला अक्षय फोडणार ‘लक्ष्मी बाॅम्ब’