सोमवारी रात्री ठाणे (Thane) रेल्वे स्थानकावर अमरावती एक्स्प्रेसमध्ये चढण्याच्या प्रयत्नात घसरून ट्रेन आणि प्लॅटफॉर्मच्या मध्ये पडल्याने झालेल्या दुखापतीमुळे 45 वर्षीय व्यक्तीचा मृत्यू झाला. त्याला कळव्यातील छत्रपती शिवाजी महाराज रुग्णालयात नेले, जेथे उपचारादरम्यान त्याला मृत घोषित करण्यात आले, असे रेल्वे पोलिसांच्या अधिकाऱ्याने सांगितले.
अफजल फकिरा शेख (45) असे मृताचे नाव असून तो शहरात इंटेरिअर डिझायनर म्हणून काम करत होता. तो कल्याणच्या दुध नाका येथील रहिवासी होता, जिथे तो पत्नी, दोन मुली आणि एका मुलासह राहत होता.
अफजल फकिरा शेख (45) असे मृताचे नाव असून तो शहरात इंटेरिअर डिझायनर म्हणून काम करत होता. तो कल्याणच्या (kalyan) दुध नाका येथील रहिवासी होता, जिथे तो पत्नी, दोन मुली आणि एका मुलासह राहत होता. त्यांचा मुलगा केंद्र सरकारने घेतलेल्या स्टाफ सिलेक्शन परीक्षेची तयारी करत आहे, तर मुलगी फार्मसीचे शिक्षण घेत आहे.
शेख काही कामानिमित्त वाशीला गेले होते. त्यांचे काम आटोपल्यानंतर वाशीहून (vashi) ते ठाण्याला लोकल ट्रेनमध्ये चढले, तेथून त्यांनी अमरावती एक्स्प्रेसने नाशिकला जाण्याचे ठरवले. ट्रेन ठाणे स्थानकावर आली पण रात्री 9च्या सुमारास ट्रेनमध्ये चढण्याचा प्रयत्न करत असताना त्यांचा पाय घसरला. प्लॅटफॉर्म आणि ट्रेनमधील गॅपमध्ये ते पडले.
ठाणे सरकारी रेल्वे पोलिसांच्या वरिष्ठ पोलिस निरीक्षक अर्चना दुसाने म्हणाल्या, “आमच्या जीआरपी पथकाने घटनास्थळी धाव घेतल्यानंतर त्यांना कंबरेला दुखापत झाल्याचे आढळून आले आणि त्यातच त्यांचा मृत्यु झाला. तसेच या प्रकरणात अपघाती मृत्यूची नोंद करण्यात आली आहे.”
ठाणे सरकारी रेल्वे पोलिसांच्या वरिष्ठ पोलिस निरीक्षक अर्चना दुसाने पुढे म्हणाले की, जुलैमध्ये नोंदवलेला हा आठवा एडीआर होता. शवविच्छेदनानंतर मृतदेह कुटुंबीयांच्या ताब्यात देण्यात आला.
हेही वाचा
Share
Tweet
