ऐरोली विभागातील अनधिकृत बांधकामावर पालिकेची कारवाई

मागील काही दिवसांपासून नवी मुंबई महानगरपालिका क्षेत्रातील अनधिकृत बांधकामांवर कारवाईचा धडाका पालिकेने लावला आहे. दोन दिवसांपूर्वी ऐरोलीतील अनधिकृत बांधकाम पालिकेने कारवाई करत तोडलं आहे. 

नवी मुंबई महानगरपालिकेची कोणतीही परवानगी न घेता जी विभाग अंतर्गत ऐरोलीतील सेक्टर 9 मध्ये दिवागांव तलावाशेजारी घर क्र. 440 येथे जी + 1 इमारतीचं बांधकाम अनधिकृतपणे सुरु केलं होते. या अनधिकृत बांधकामास ऐरोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती.  संबधितांनी केलेले अनधिकृत बांधकाम स्वत:हून हटविणे आवश्यक होते. परंतु त्यांनी अनधिकृत बांधकाम सुरु ठेवेले होते. 

या अनधिकृत बांधकामावर ऐरोली विभागामार्फत तोडक कारवाई करून अनधिकृत बांधकाम निष्कासित करण्यात आले. या मोहिमेसाठी 4 मजूर, 1 गॅसकटर, 2 इलेक्ट्रीक हॅमर वापरण्यात आले. यावेळी जी विभाग ऐरोली येथील अधिकारी/कर्मचारी उपस्थित होते.  यापुढे देखील अशा प्रकारे कारवाई तीव्र करण्यात येणार असल्याचं पालिकेने म्हटलं आहे.