आतापर्यंत १६ राज्यांमध्ये ओमिक्रॉनचे २६९ रुग्ण आढळले आहेत. त्यामुळे केंद्र सरकारनं या नव्या विषाणूची गंभीर दखल घेतली आहे.
ओमिक्रॉन रोखण्यासाठी राज्यांनी काय तयारी केली त्याचा आढावा आज केंद्र सरकारनं घेतला. तसेच ओमिक्रॉनला रोखण्यासाठी नाईट कर्फ्यूपासून ते सणांवर बंदी घालण्यापर्यंतच्या सूचनाही दिल्या आहेत.
राज्यांमधील जिल्ह्यांतील पॉझिटिव्ह केसेस, डबल रेटिंग आणि क्लस्टरवर लक्ष ठेवण्याच्या सूचनाही केंद्र सरकारनं यावेळी दिल्या. त्याशिवाय राज्यांना सण आणि स्थानिक स्तरावर प्रतिबंध घालण्याचा सल्लाही देण्यात आला आहे.
दोन डोसमुळे कोरोनापासून बचाव होतो. तसंच ओमिक्रॉनची लागण आणि रुग्णालयात भरती होण्यापासून दोन डोसच बचाव करू शकतात. त्यामुळे घरोघरी जाऊन लसीकरण करा, असा सल्लाही केंद्रानं राज्यांना दिला आहे.
केंद्राकडून करण्यात आल्या 'या' सुचना
दरम्यान, राज्यात १ हजार १७९ नवीन कोरोनाबाधित रुग्णांची नोंद झाली आहे. तर ६१५ रुग्ण कोरोनामुक्त झाले आहे. राज्यात आतापर्यंत ६५ लाख ३७५ रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण ९७.७१ टक्के आहे.
राज्यात आज २३ ओमिक्रॉनबाधित रुग्णांची नोंद झालेली आहे. आतापर्यंत ८८ ओमिक्रॉनबाधितांची नोंद राज्यात झाली आहे. त्यापैकी ४२ रुग्ण ओमिक्रॉनमुक्त झाले आहेत.
हेही वाचा
Share
Tweet
