सध्या सोशल मीडियाचं फॅड वाढलंय. रिल्स बनवण्याच्या नादात अनेक जण आपला जीव धोक्यात घालत आहेत. कसारा स्थानकात देखील रिल बनवणे काही तरूणांना भारी पडले आहे.
कसारा स्थानकात उभ्या असलेल्या लोकलमध्ये काही मुलांनी रिल बनवली. मोटारमनचा दरवाजा उघडून तरुण आत शिरला आणि तुम्हारा भाई लोकला चलाएगा म्हणत अतिउत्साही तरुण मोटारमनच्या खूर्चीवरही बसला. तिथेच बसून रिलही शूट केलं. 20 वर्षीय राजा येरवाल यानं आपला सहकारी रितेश जाधवसोबत ही रिल इन्स्टाग्रामवर अपलोड केली.
ही रील व्हायरल होऊन रेल्वे सुरक्षा बलापर्यंत पोहोचली. पोलिसांनी सायबर सेलच्या माध्यमातून रेल्वे कायद्यानुसार रिल करण-या राजा येरवाल आणि रितेश जाधवला ताब्यात घेतलं. पोलिसांनी तरुणांची कानउघाडणी करत महत्त्वाचं आवाहन केलंय.
पुण्यात देखील रील बनवण्यासाठी जीवघेणा स्टंट करणाऱ्या तरुण तरुणीला पोलिसांनी ताब्यात घेतलं. त्यांची चौकशी करुन पोलिसांनी त्यांना समज देऊन सोडून दिलं. तसंच या प्रकरणात आणखी काही व्हिडिओ मिळाले आहेत. ते आणखीनच गंभीर असल्याचं पोलिसांनी सांगितलं.
पुण्यातील भारती विद्यापीठ पोलिसांनी ही कारवाई केली. तसंच अशा प्रकारचे जीवघेणे स्टंट करताना, सामाजिक भान बाळगण्याच्या सूचना पोलिसांनी केल्यात.
सोलापुरातील एका तरुणाने रिल्स बनवताना एका कुत्र्याला चक्क तलावात ढकलंय. या तरुणाचा हा कारनामा सोशल मीडियावर व्हायरल झालाय. यामुळे प्राणी मित्रांनी प्रचंड संताप व्यक्त केलाय.तर या तरुणाला पोलिसांनी अटक करावी, अशी मागणी प्राणी मित्रांकडून करण्यात आलीय.
रील काढण्याच्या नादात नाशिकच्या येवल्यातील दोघा तरुणांचा अपघात झालाय. शाहरुख शहा आणि त्याचा मित्र दोघेही कोपरगावला जाताना एकाने मोटरसायकल चालवत असताना रील शूट करण्यास सुरुवात केली मात्र अचानक स्पीड ब्रेकरवर गाडिवरील नियंत्रण सुटल्याने दोघेही खाली पडले.
हेही वाचा
Share
Tweet
