विले पार्लेतल्या बजाज रोड इथं एका इमारतीत आग लागल्याची माहिती समोर आली आहे. संध्याकाळी ७ वाजता ही घटना घडली. लाभ श्रीविला असं या इमारतीचं नाव असून १४ मजली इमारत आहे. सध्या आग ही ६ व्या मजल्यावर लागली आहे.
घटनास्थळी मुंबई अग्निशमन केंद्रच्या ८ गाड्या, ५ जंबो वॉटर टँकर, ३ टी. टी. एल., १-सी. पी., १-बी. ए. व्हॅन, १-एच.पी. आणि १-ॲम्बुलन्स उपस्थित आहेत. सदरची आग विझवण्याचे शर्थीचे प्रयत्न सुरू आहेत. अडकलेल्या लोकांचे बचावकार्य सुरू असून सदर घटनेत अद्याप कोणालाही दुखापत नाही, अशी माहिती मुंबई अग्निशमन केंद्रातून मिळाली आहे.
Share
Tweet
