ठाण्यातील (thane) ईस्टर्न एक्स्प्रेस वे (eastern expressway) जवळील कॅडबरी जंक्शनजवळ 16 मजल्यांच्या देव कॉर्पोरा कमर्शियल टॉवरला भीषण आग (fire erupts) लागली. रात्री 11.51 च्या सुमारास जिजाऊ फाऊंडेशनच्या कार्यालयात 11व्या मजल्यावर आग लागली आणि अग्निशमन दलाच्या (fire brigade) जवानांनी एकूण 10 जणांना बाहेर काढले. या घटनेत कोणतीही दुखापत झाल्याचे वृत्त नाही.
बुधवारी पहाटे ४ वाजता आग आटोक्यात आणण्यात आली असून कूलिंग ऑपरेशन सुरू असल्याची माहिती ठाणे महापालिकेने (thane municiple corporation) दिली. सुटका करण्यात आलेल्या लोकांपैकी पाच डोंबिवली, चार ठाण्यातील आणि उर्वरित मुंबई (mumbai) शहरातील आहेत.
ठाणे महापालिकेच्या आपत्ती व्यवस्थापनानुसार, "घटनास्थळी आग आणि धूर पसरल्यामुळे इमारतीत अडकलेल्या एकूण 10 जणांना सुरक्षित बाहेर काढण्यात आले आहे. एक व्यक्ती पहिल्या मजल्यावर अडकली होती. तसेच नऊ जण सातव्या मजल्यावरील ईशा नेत्रालयात अडकले होते.
ठाणे महापालिकेने जारी केलेल्या निवेदनात म्हटले आहे की, रात्री 11.51 वाजता आपत्ती व्यवस्थापन नियंत्रण कक्षाला आग लागल्याची माहिती मिळाली. ही आग कॅडबरी जंक्शन, पूर्व द्रुतगती मार्गाच्या बाजूला, सिद्धेश्वर, खोपट, ठाणे पश्चिम येथे होती. इमारतीच्या 11व्या मजल्यावरील जिजाऊ फाऊंडेशनच्या कार्यालयात आग लागली. तसेच संपूर्ण इमारतीत मोठ्या प्रमाणात धुराचे लोट पसरले होते.
तीन अग्निशमन वाहने, एक बचाव वाहन आणि एक ब्रँटो तसेच आपत्ती व्यवस्थापन कक्षाचे कर्मचारी एक पिकअप वाहनासह आणि टीडीआरएफचे कर्मचारी घटनास्थळी दाखल झाले. मुख्य अग्निशमन अधिकारीही घटनास्थळी उपस्थित होते.
हेही वाचा
Share
Tweet
