मुख्यमंत्री एकनाथ शिंदे यांनी मुंबई महानगरपालिकेचे आयुक्त इक्बाल सिंग चहल यांना मुंबई महानगरपालिकेच्या रुग्णालयात पुरविल्या जाणाऱ्या सर्व वैद्यकीय सुविधा आणि औषधांसाठी 'झिरो प्रिस्क्रिप्शन पॉलिसी' लागू करण्याचे निर्देश दिले आहेत.
सविस्तर आढावा घेऊन अहवाल सादर करावा, असे निर्देश देण्यात आले आहेत. 'झिरो प्रिस्क्रिप्शन पॉलिसी' लागू करणारी मुंबई महापालिका ही देशातील पहिली महापालिका ठरणार आहे. त्यामुळे आरोग्य सेवा मोफत आणि पूर्णपणे लोक केंद्रित होणार आहे.
मुख्यमंत्री शिंदे यांनी केईएम रुग्णालयाला भेट दिली. त्यावेळी रुग्ण व नागरिकांशी झालेल्या चर्चेत काही त्रुटी निदर्शनास आणून दिल्या. महापालिका रुग्णालयात उपलब्ध असलेली औषधे व साधनसामग्री नातेवाईकांच्या माध्यमातून रुग्णांच्या उपचारावर खर्च केली जाते. या खर्चाचा अतिरिक्त भार गरीब रुग्णांना सहन करावा लागतो.
आरोग्य सेवेवर होणार्‍या खिशातून होणार्‍या खर्चामुळे जवळपास 10 टक्के नागरिक दारिद्र्यरेषेखाली आले आहेत. गरीब रुग्णांना महापालिका रुग्णालयांतून मोफत सेवा देण्यासाठी "झिरो प्रिस्क्रिप्शन पॉलिसी' राबवण्याचे निर्देश महापालिकेने दिले आहेत. यासाठी मुख्यमंत्र्यांनी महापालिका आयुक्तांना याबाबत सविस्तर अभ्यास करून अहवाल सादर करण्याचे निर्देशही दिले आहेत.
हेही वाचा
Share
Tweet
