मुंबईकरांसाठी दिलासादायक बातमी आहे. मुंबईतील महापालिकेच्या स्विमिंग पूलला पुन्हा पाणीपुरवठा सुरू करण्याचा निर्णय BMCने घेतला आहे. शहराला पाणीपुरवठा करणाऱ्या सातही तलावांमधील पाणीसाठ्यात सुधारणा झाल्यानंतर हा निर्णय घेण्यात आला आहे.

12 ऑगस्ट 2026 रोजी सकाळी 6 वाजेपर्यंत सातही तलावांमध्ये सुमारे 12 लाख 95 हजार 274 दशलक्ष लिटर (ML) उपयुक्त पाणीसाठा उपलब्ध होता. हा साठा तलावांच्या एकूण 14 लाख 47 हजार 363 दशलक्ष लिटर क्षमतेच्या 89.49 टक्के आहे.

पाणीसाठ्यात झालेल्या वाढीमुळे महापालिका स्विमिंग पूलचा वापर करणाऱ्या मुंबईकरांना मोठा दिलासा मिळणार आहे.

मात्र, पाणीसाठ्यात सुधारणा झाली असली तरी मुंबईकरांनी पाण्याचा काटकसरीने वापर करावा, असे आवाहन महापालिका प्रशासनाने केले आहे. भविष्यातील पाण्याची उपलब्धता लक्षात घेऊन नागरिकांनी पाण्याचा अपव्यय टाळण्याचे आवाहन करण्यात आले आहे.

दरम्यान, पावसाची स्थिती, तलावांमधील पाणीसाठा आणि हवामानाचा अंदाज यावर BMCकडून सातत्याने लक्ष ठेवण्यात येणार आहे. त्यानुसार शहराच्या पाणीपुरवठ्याबाबत पुढील निर्णय घेतले जातील.

हेही वाचा

दादरमध्ये स्पाच्या नावाखाली देहविक्रीचा पर्दाफाश