मध्य (central railway) आणि पश्चिम रेल्वेला जोडणारी पहिली वातानुकूलित (एसी) लोकल ट्रेन एप्रिलमध्ये नवीन रेल्वे वेळापत्रक लागू झाल्यावर सुरू होऊ शकते.

सध्या, मध्य, हार्बर आणि पश्चिम रेल्वे मार्गांवर एसी लोकल आहेत, परंतु हार्बर मार्गाच्या सीएसएमटी (csmt)-गोरेगाव कॉरिडॉरवर एकही नाही आहे. म्हणूनच मध्य रेल्वे अधिकारी त्यावर तपशीलवार काम करत आहेत.

मध्य रेल्वेच्या अधिकाऱ्यांच्या मते, सीएसएमटी-गोरेगाव (goregaon) मार्गावर नवीन एसी लोकल (AC local) सुरू झाली तर दररोज या मार्गावर 100 हून अधिक रेल्वे सेवा सुरू होण्याची शक्यता आहे.

"हार्बर मार्गावरील प्रवाशांची वाढती मागणी लक्षात घेऊन, आम्ही काही नॉन-एसी ट्रेन सेवा बदलण्याचा प्रस्ताव तयार करत आहोत. तथापि, याला अद्याप मंजुरी मिळालेली नाही," असे मध्य रेल्वेच्या अधिकाऱ्यांनी सांगितले.

जर मध्य रेल्वे आणि पश्चिम रेल्वेने संयुक्तपणे याला मान्यता दिली तर 1 एप्रिलपासून लागू होणाऱ्या वेळापत्रकात नवीन एसी लोकलचा समावेश होऊ शकतो.

सध्या वाशी आणि पनवेलकडे जाणाऱ्या प्रत्येक दोन किंवा तीन गाड्यांमागे सीएसएमटी-वांद्रे-गोरेगाव ट्रेन आहे.

रेल्वे सूत्रांनी सांगितले की, या मार्गावर दररोज 3,00,000 ते 5,00,000 प्रवासी असले तरी एसी लोकलला मंजुरी देण्यातील समस्या ही सेवांमधील अंतर असू शकते. कारण प्रत्येक रेक दररोज फक्त 12-14 सेवा चालवू शकेल.