पुणे, सातारा, कोल्हापूरच्या जंगलात बॉम्बस्फोटाची चाचणी केल्याचे दहशतवादविरोधी पथकाने न्यायालयात सादर केलेल्या एका अहवालातून स्पष्ट झाले आहे. कोथरूड पोलिसांनी नाकाबंदीत दोन दहशतवाद्यांना पकडले होते. त्यांच्याकडून या माहितीचा खुलासा करण्यात आला आहे.
तसेच आरोपींविरुद्ध दाखल गुन्ह्यात बेकायदेशीर कारवाया प्रतिबंधक कायद्यांतर्गत कलमात वाढ करण्यात आली आहे.
दोन्ही दहशतवाद्यांची पोलिस कोठडी संपत असल्याने दहशतवाद विरोधी पथकाने त्यांना जिल्हा व सत्र न्यायालयात हजर केले. त्यावेळी सत्र न्यायाधीश एस.व्ही. कचरे यांच्या न्यायालयाने त्यांना ५ ऑगस्टपर्यंत पोलिस कोठडी सुनावली.
तपासादरम्यान दहशतवाद विरोधी पथकाने दोन्ही आरोपींच्या घराची झडती घेतली असता संशयास्पद वस्तू सापडल्या. त्यात इलेक्ट्रॉनिक उपकरणांसह पांढरी पावडर आढळून आली. स्फोटक वेफर डिटेक्टरमध्ये पावडर स्फोटक असल्याचे उघड झाले. तसेच पोलीस श्वान पथकानेही याबाबत सकारात्मक अहवाल दिला आहे. ही पावडर तपासणीसाठी न्यायवैद्यक प्रयोगशाळेत पाठवण्यात आली असून त्याचा अहवाल येणे बाकी आहे.
हेही वाचा