राज्यात सोमवारी कोरोनाचे ६ हजार ७४० नवीन रुग्ण

राज्यातील मृत्यूदर २.०१ टक्के इतका आहे. राज्यात आतापर्यंत ५८ लाख ६१ हजार ७२० रुग्ण बरे झाले आहेत.

Mumbai

राज्यात सोमवारी कोरोनाचे ६ हजार ७४० नवीन रुग्ण

राज्यात सोमवारी कोरोनाचे नवीन ६ हजार ७४० रुग्ण आढळले. तर १३ हजार ०२७ रुग्ण बरे होऊन घरी गेले आहेत. तसंच ५१ रुग्णांचा मृत्यू झाला आहे.

राज्यातील मृत्यूदर २.०१ टक्के इतका आहे. राज्यात आतापर्यंत ५८ लाख ६१ हजार ७२० रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९६.०२ टक्के एवढे झाले आहे.

राज्यातील अॅक्टिव्ह रुग्णांची संख्या १ लाख १६ हजार ८२७ झाली आहे. राज्यातील पुण्यात सक्रिय रुग्णांची संख्या सर्वाधिक आहे१६ हजार ९६० आहे. कोल्हापुरात सक्रिय रुग्णांची संख्या १२ हजार ७१६ इतकी आहे. सांगलीत ही संख्या १० हजार ८६१, साताऱ्यात ही संख्या ८ हजार ०९०, रत्नागिरीत ५ हजार ५२८, रायगडमध्ये ४ हजार ७५५, सिंधुदुर्गात ४ हजार २४१, तर नागपूर जिल्ह्यात ही संख्या ३ हजार ०३९ इतकी झाली आहे. नाशिकमध्ये सक्रिय रुग्णांची संख्या ३ हजार ३२२ इतकी आहे.

राज्यातील जिल्हा आणि मनपानिहाय रुग्णांचा तपशील