कोरोनाला प्रतिबंध करण्यासाठी लसीकरण हा एक प्रभावी उपाय आहे. या पार्श्वभूमीवर मुंबई महापालिकेच्या लसीकरण केंद्रांवर शुक्रवारपासून नाकावाटे देण्यात येणाऱ्या लसीकरणाला सुरुवात होत आहे.
60 वर्षे आणि त्यावरील पात्र नागरिकांना कोव्हिशिल्ड किंवा कोव्हॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक लशीची प्रतिबंधात्मक मात्रा घेता येणार आहे. कोव्हिशिल्ड अथवा कोव्हॅक्सिन व्यतिरिक्त दिलेल्या इतर कोणत्याही लसमात्रेसाठी इन्कोव्हॅक लशीची मात्रा देता येणार नसल्‍याचे पालिका प्रशासनाने स्पष्ट केले आहे.
साठ वर्षे वयोगटावरील नागरिकांना प्रतिबंधात्मक मात्रा देण्यात येणार आहे. कोव्हिशिल्ड अथवा कोव्हॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक लशीची प्रतिबंधात्मक मात्रा घेता येईल. मुंबई महानगर क्षेत्रातील २४ ठिकाणी इन्कोव्हॅक लस ‘ऑन द स्पाट’ नोंदणीद्वारे देण्यात येईल.
२४ विभागांतील सर्व लसीकरण केंद्रांची नावे व पत्ते बृहन्मुंबई महापालिकेच्या ट्विटर खात्यावर दररोज प्रसारित करण्यात येतील. पात्र मुंबईकर नागरिकांनी कोविड लशीची प्रतिबंधात्मक मात्रा घ्यावी, असे आवाहन महापालिका प्रशासनाच्या वतीने करण्यात आले आहे.
महापालिकेतर्फे मुंबई महानगरातील प्रत्येक विभागात एका लसीकरण केंद्रामध्ये हे लसीकरण करण्यात येणार आहे. कोव्हिशिल्ड अथवा कोव्हॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक लशीची प्रतिबंधात्मक मात्रा घेता येणार आहे.
१६ जानेवारी २०२१पासून करोना प्रतिबंधात्मक लसीकरण मोहीम सुरू झाली. प्राधान्य गटांचे आणि त्यानंतर १ मे २०२१पासून १८ वर्षे वयावरील व्यक्तींचे लसीकरण करण्यात आले. तर बूस्टर मात्रा १० जानेवारी २०२२पासून देण्यात येत आहेत.
२६ एप्रिलपर्यंत करोनाप्रतिबंधक लशीची पहिली, दुसरी आणि प्रतिबंधात्मक मात्रा घेतलेल्या लाभार्थ्यांची संख्या एकूण संख्या दोन कोटी २१ लाख ९६ हजार ९९५ इतकी आहे. यामध्‍ये पहिली मात्रा घेतलेल्या लाभार्थ्यांची संख्या एक कोटी आठ लाख ९३ हजार ६७९ आहे.
तर, दुसरी मात्रा घेतलेल्या लाभार्थ्यांची संख्या ९८ लाख १५ हजार ०२० इतकी आहे. प्रतिबंधात्मक मात्रा घेतलेल्या लाभार्थ्यांची संख्या १४ लाख ८८ हजार २९६ आहे.
हेही वाचा
Share
Tweet
