Advertisement
COVID-19 CASES IN MAHARASHTRA
Total:
51,38,973
Recovered:
44,69,425
Deaths:
76,398
LATEST COVID-19 INFORMATION  →

Active Cases
Cases in last 1 day
Mumbai
45,534
1,794
Maharashtra
5,90,818
37,236

जाणून घ्या कुठला मास्क अधिक प्रभावी? चौथ्या नंबरचा मास्क कधीच वापरू नये

कोणते मास्क कुणासाठी जास्त योग्य असेल? कोणते जास्त इफेक्टिव्ह असेल? हे आज जाणून घेऊया

जाणून घ्या कुठला मास्क अधिक प्रभावी? चौथ्या नंबरचा मास्क कधीच वापरू नये
SHARES

देशात कोरोनाची प्रकरणं सातत्यानं वाढत असल्याचं दिसत आहे. यामुळे होणाऱ्या मृतांच्या संख्येतही वाढ झाली आहे. दरम्यान पुन्हा एकदा मास्क घालण्याचे आवाहन मोठ्या प्रमाणात केलं जात आहे. मात्र कोणते मास्क कुणासाठी जास्त योग्य असेल? कोणते जास्त इफेक्टिव्ह असेल? हे आज जाणून घेऊया.

१) सर्जिकल मास्क

बाजारामध्ये सर्जिकल मास्क (Surgical Mask Benefits In Marathi) उपलब्ध आहेत. या प्रकारच्या मास्कचा आपण केवळ एकदाच वापर करू शकतो. सर्जिकल मास्कचा वापर करून झाल्यानंतर त्याची योग्य पद्धतीनं विल्हेवाट लावणं आवश्यक आहे.

मास्कचा उपयोग केल्यानंतर ते बंद कचऱ्याच्या डब्यात फेका. जेणेकरून संसर्ग होणार नाही. तर सामान्य सर्जिकल मास्क जवळपास ८९.५ टक्के कणांना थांबवण्यात सक्षम आहेत.

कोणासाठी आहे : आरोग्य कर्मचारी

कुठे घालावे : अशा ठिकाणी जेथे कोरोना मोठ्या प्रमाणात पसरला आहे आणि फिजिकल डिस्टेंसिंग खूप अवघड आहे.

अजून कोण घालू शकते : असे लोक ज्यांचे वय 60 वर्षे किंवा त्यापेक्षा जास्त आहे आणि ज्याची प्रकृती खराब आहे, ज्यांना कोरोनाचे लक्षण आहेत किंवा जे संक्रमितांची देखरेख करत आहेत.

२) फॅब्रिक मास्क (कपड्याचा मास्क)

DIY म्हणजे घरगुती मास्क, जे आपण स्वतः तयार करू शकतो. पण ते मास्क दोन किंवा तीन लेअरचे असावे. सिंगल लेअरचा मास्क धोकादायक ठरू शकतो.

तुम्ही कोणत्या कापडाच्या मदतीनं मास्क तयार केलंय, यावर घरगुती मास्कची गुणवत्ता अवलंबून आहे. हल्ली मेडिकलमध्ये वेगवेगळ्या रंगाचे आणि डिझाईनचे कपड्यांचे मास्क उपलब्ध आहेत.

कुणासाठी : सामान्य लोकांसाठी

कुठे घालावे : कामाच्या ठिकाणी, ग्रॉसरी स्टोर, बस, शेअर टॅक्सी आणि गर्दीच्या ठिकाणी.

कोण घालू शकते : कोरोना संक्रमित परिसरातील लोक, असे लोक ज्यांच्यात कोरोनाचे लक्षण आहेत आणि जेथे फिजिकल डिस्टेंसिंग अवघड आहे.

३) N95 मास्क

N95 मास्क कोरोना व्हायरससारख्या संक्रमणापासून बचाव करण्यासाठी सर्वात चांगला मास्क मानला जातो. हा सहजपणे तोंड आणि नाकावर फिट होतो आणि बारीक कणांनाही नाक किंवा तोंडात जाण्यापासून रोखतो. हे हवेतील ९५ टक्के कणांना रोखण्यात सक्षम आहे. यामुळे याचे नाव N95 आहे.

कुणासाठी : सामान्य लोकांसाठी, आरोग्य कर्मचारी

कुठे घालावे : हॉस्पीटल, कामाच्या ठिकाणी, ग्रॉसरी स्टोर, बस, शेअर टॅक्सी आणि गर्दीच्या ठिकाणी

४) व्हॉल्व मास्क

रुमालानं किंवा अन्य मास्कनं चेहरा झाकल्यानं काही वेळ गुदमरल्यासारखं वाटतं. त्यामुळे लोक हा मास्क वापरतात. या मास्कमध्ये जास्त उष्णता जाणवत नाही. याशिवाय या मास्कचा फारसा उपयोग नाही. सर्दी, खोकला अशी लक्षणं असल्यास त्या व्यक्तीनं हा मास्क वापरणं टाळावं. जेणेकरून इतर कोणत्याही निरोगी व्यक्तीला संसर्गाची लागण होणार नाही.

कुणासाठी : सामान्य लोकांसाठी (शक्यतो टाळावा)

कुठे घालावा : बाजारात किंवा कामाला जाताना हे मास्क लोक वापरू शकतात. या मास्कमध्ये कार्बनडायऑक्साईड मास्कच्या आत रहात नाही. त्यामुळे लोकांना श्वास घेण्यास त्रास होत नाही.

कुठे घालू नये : एक्झलेशन व्हॉल्व्ह असणारे मास्क निर्जंतुकीकरण झालं असलेल्या (Stereile) परिसरात वापरण्यात येऊ नये. ऑपरेशन थिएटरमध्ये वापरण्यात येऊ नये. व्हॉल्व्ह असलेल्या मास्कमधून श्वास सोडताना ड्रॉपलेट्स आणि काही पार्टिकल हवेमध्ये पसरतात.

Read this story in English or हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा