जागतिक संगीत दिनाचं औचित्य साधत "हार्मांनिसां" म्युझिक बँडचं 'मेलोडी मेलांज' हे गाणं यूट्युबवर प्रसारित करण्यात आलं. गायक सुरेश वाडकर यांच्या हस्ते प्रकाशित झालेली ही संगीतकृती अल्पावधीतच लोकप्रियता मिळवत आहे.
‘मेलोडी मेलांज’ हा राग किरवाणीवर आधारित तीन भिन्न प्रकृतीच्या गीतांचा समन्वय आहे. 'मुकुटवारो सांवरो...' ही शास्त्रीय बंदिश, 'ओ माय लव्ह...' हे पाश्चात्य धाटणीचं नवीन इंग्रजी गीत आणि 'दिल की तपिश...' हे ‘कट्यार काळजात घुसली’ या चित्रपटातील सिनेगीत असा त्रिवेणी संगम यात आहे. कधी सरगम, तर कधी वेस्टर्न म्युझिकचं पीसेस वापरून ही गाणी जोडली गेल्यानं त्यांचा एकसंध अनुभव मिळतो.
निसर्गाच्या सान्निध्या चित्रीकरण
आल्हाददायक निसर्गाच्या सान्निध्यात रोहिता मोरे आणि प्रथमेश रांगोळे यांनी चित्रीकरण केलेला व्हिडिओ या गाण्याच्या सौंदर्यात आणखीनच भर घालतो.
‘हार्मोनिसा बँड’मध्ये शुभम वखारे, ‘गौरव महाराष्ट्राचा’ फेम सौरभ वखारे, ‘सूर नवा ध्यास नवा’ फेम पद्मनाभ गायकवाड, अनामिका शर्मा, स्नेहा हेगडे, ‘द व्हॉइस’ फेम कृतिका बोरकर, अनुराग पुराणिक, रुद्रेश कानविंदे असे युवा गायक एकत्र आले आहेत. यापैकी कुणी संगीत दिग्दर्शनात प्रवीण आहे, कुणी भारतीय शास्त्रीय गायकीत, तर कुणी वेस्टर्नमध्ये निपुण आहेत. त्यामुळे वेगवेगळ्या ढंगांची गाणी नवीन बाजात या ‘बँड’कडून सादर केली जातील, अशी अपेक्षा आहे.
यांची साथ
'ओ माय लव्ह' हे या व्हिडिओमधील गाणं स्वप्नील चाफेकर यांनी लिहिलं असून, शुभम-सौरभ यांनी संगीतबद्ध केलं आहे. संगीत संयोजक आलाप देसाई यांनी या गाण्यांची अरेंजमेंट केली आहे.
मनीष मदनकर यांचा तबला आणि मानस कुमार यांचं व्हायोलिन त्यात रंग भरतात. हे गाणं रेकॉर्डिस्ट अवधूत वाडकर यांनी रेकॉर्ड केलं असून, युनायटेड किंगडम (लंडन)मधील गेथिन जॉन यांनी त्याचं मास्टरिंग केलं आहे. संगीत वाद्यांचे विक्रेते, सुप्रसिद्ध हरिभाऊ विश्वनाथ कं.चे उदय दिवाणे हे या गाण्याचे निर्माते आहेत.
जागतिक संगीत दिनाचं औचित्य साधत "हार्मांनिसां" म्युझिक बँडचं 'मेलोडी मेलांज' हे गाणं यूट्युबवर प्रसारित करण्यात आलं. गायक सुरेश वाडकर यांच्या हस्ते प्रकाशित झालेली ही संगीतकृती अल्पावधीतच लोकप्रियता मिळवत आहे.
‘मेलोडी मेलांज’ हा राग किरवाणीवर आधारित तीन भिन्न प्रकृतीच्या गीतांचा समन्वय आहे. 'मुकुटवारो सांवरो...' ही शास्त्रीय बंदिश, 'ओ माय लव्ह...' हे पाश्चात्य धाटणीचं नवीन इंग्रजी गीत आणि 'दिल की तपिश...' हे ‘कट्यार काळजात घुसली’ या चित्रपटातील सिनेगीत असा त्रिवेणी संगम यात आहे. कधी सरगम, तर कधी वेस्टर्न म्युझिकचं पीसेस वापरून ही गाणी जोडली गेल्यानं त्यांचा एकसंध अनुभव मिळतो.
निसर्गाच्या सान्निध्या चित्रीकरण
आल्हाददायक निसर्गाच्या सान्निध्यात रोहिता मोरे आणि प्रथमेश रांगोळे यांनी चित्रीकरण केलेला व्हिडिओ या गाण्याच्या सौंदर्यात आणखीनच भर घालतो.
‘हार्मोनिसा बँड’मध्ये शुभम वखारे, ‘गौरव महाराष्ट्राचा’ फेम सौरभ वखारे, ‘सूर नवा ध्यास नवा’ फेम पद्मनाभ गायकवाड, अनामिका शर्मा, स्नेहा हेगडे, ‘द व्हॉइस’ फेम कृतिका बोरकर, अनुराग पुराणिक, रुद्रेश कानविंदे असे युवा गायक एकत्र आले आहेत. यापैकी कुणी संगीत दिग्दर्शनात प्रवीण आहे, कुणी भारतीय शास्त्रीय गायकीत, तर कुणी वेस्टर्नमध्ये निपुण आहेत. त्यामुळे वेगवेगळ्या ढंगांची गाणी नवीन बाजात या ‘बँड’कडून सादर केली जातील, अशी अपेक्षा आहे.
यांची साथ
'ओ माय लव्ह' हे या व्हिडिओमधील गाणं स्वप्नील चाफेकर यांनी लिहिलं असून, शुभम-सौरभ यांनी संगीतबद्ध केलं आहे. संगीत संयोजक आलाप देसाई यांनी या गाण्यांची अरेंजमेंट केली आहे.
मनीष मदनकर यांचा तबला आणि मानस कुमार यांचं व्हायोलिन त्यात रंग भरतात. हे गाणं रेकॉर्डिस्ट अवधूत वाडकर यांनी रेकॉर्ड केलं असून, युनायटेड किंगडम (लंडन)मधील गेथिन जॉन यांनी त्याचं मास्टरिंग केलं आहे. संगीत वाद्यांचे विक्रेते, सुप्रसिद्ध हरिभाऊ विश्वनाथ कं.चे उदय दिवाणे हे या गाण्याचे निर्माते आहेत.