Advertisement

शिवसेना खासदार संजय राऊतांच्या सुरक्षेत वाढ

शिवसेना खासदार संजय राऊत यांच्या सुरक्षेत वाढ करण्यात आल्याची माहिती समोर येत आहे. मिळालेल्या माहितीनुसार, संजय राऊत यांच्याकडे सध्या वाय दर्जाची सुरक्षा आहे.

शिवसेना खासदार संजय राऊतांच्या सुरक्षेत वाढ
SHARES

शिवसेना खासदार संजय राऊत यांच्या सुरक्षेत वाढ करण्यात आल्याची माहिती समोर येत आहे. मिळालेल्या माहितीनुसार, संजय राऊत यांच्याकडे सध्या वाय दर्जाची सुरक्षा आहे. राऊत यांच्या या ताफ्यात सध्या ६ शस्त्रधारी SPU जवानांचा ताफा आहे. मात्र, आता त्यांच्या ताफ्यात २ अतिरिक्त SPU चे जवान देखील समाविष्ट करण्यात आले आहेत. राणे-शिवसेना वादाच्या पार्श्वभूमीवर संजय राऊत यांच्या सुरक्षेत ही वाढ करण्यात आल्याचं म्हटलं जात आहे.

भाजप नेते नितेश राणे यांनी दिलेल्या इशाऱ्यानंतर आणि राणे-सेना वादानंतर हे पाऊल उचलण्यात आल्याचं म्हटलं जात आहे. काहीच दिवसांपूर्वी भाजपा नेते नितेश राणे आणि निलेश राणे यांनी संजय राऊत यांना एक इशारा दिला होता. 'संजय राऊत जिथे दिसतील तिथे करेक्ट कार्यक्रम करू', असा या दोघांनीही सांगितलं होतं. त्यानंतरच आता राऊत यांच्या सुरक्षेत ही वाढ करण्यात आल्याचं दिसून येत आहे.

अवघ्या काहीच दिवसांपूर्वी राज्यात हा वाद पुन्हा एकदा झाला. केंद्रीय मंत्री नारायण यांनी मुख्यमंत्री उद्धव ठाकरे यांच्याबद्दल केलेल्या खळबळजनक वक्तव्याचे पडसाद राज्यभर उमटले. याच दरम्यान, शिवसेनेचं मुखपत्र असलेल्या सामनाच्या अग्रलेखातून राणेंवर घणाघाती टीका झाली. त्यामुळे संजय राऊत आणि राणे वाद पेटण्यास सुरुवात झाली.

बुधवार २५ ऑगस्ट रोजी सामनातील अग्रलेखात राणेंचा उल्लेख 'भोकं पडलेला फुगा' असा करण्यात आला. सामनाच्या अग्रलेखातील भाषेवरुन विरोधी पक्ष भाजपा चांगलाच आक्रमक झाला होता. इतकंच नव्हे तर सामनाच्या संपादिका आणि मुख्यमंत्री उद्धव ठाकरे यांच्या पत्नी रश्मी ठाकरेंविरोधात तक्रार दाखल करण्यात आली होती. यावेळी संजय राऊत यांनी प्रतिक्रिया देत, “मी सामनाचा कार्यकारी संपादक आहे. त्या संपादकीयाची जबाबदारी संजय राऊत यांची आहे”, असं म्हटलं होतं.

'नारायण राणे हे महान किंवा कर्तबगार कधीच नव्हते. शिवसेनेत असताना त्यांचे नाव झाले ते सत्तेच्या शिड्या जलदगतीने चढता आल्यामुळेच. ही सर्व शिवसेना या चार अक्षरांची कमाई. राणे यांनी शिवसेना सोडल्यावर त्यांचा लोकसभा व विधानसभा मिळून चार वेळा दणकून पराभव शिवसेनेने केला. त्यामुळे राणे यांचे थोडक्यात वर्णन करायचेच तर भोकं पडलेला फुगा असेच करता येईल. हा फुगा कितीही हवा भरून फुगवला तरी वर जाणार नाही, पण भाजपने सध्या हा भोकवाला फुगा फुगवून दाखविण्याचे ठरवले आहे. राणे यांना काही लोक ‘डराव डराव’ करणाऱ्या बेडकाचीही उपमा देतात. राणे हे बेडुक असतील किंवा भोकवाला फुगा, पण राणे कोण? हे त्यांनी स्वतःच जाहीर केले, ‘‘मी ‘नॉर्मल’ माणूस नाही,’’ असे त्यांनी जाहीर केले. मग ते ऍबनॉर्मल आहेत काय ते तपासावे लागेल', अशी टीका सामनाच्या अग्रलेखात करण्यात आली.

Read this story in हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा