बेस्ट उपक्रमाने त्यांच्या प्रतिष्ठित बस मार्ग क्रमांक 1 पुन्हा सुरू करण्याची घोषणा केली आहे. काही आठवड्यांपूर्वी रूट रॅशनलायझेशन मोहिमेअंतर्गत हा मार्ग बंद करण्यात आला होता. मात्र, आता तो चार दिवसांत पुन्हा सुरू केला जाईल, अशी माहिती बेस्टचे महाव्यवस्थापक एस. व्ही. आर. श्रीनिवास यांनी शनिवारी दिली. 

"तात्पुरता हा मार्ग बंद करण्यात आला होता. आता चार दिवसांत मार्ग क्रमांक 1 पुन्हा सुरू करत आहोत," असे श्रीनिवास यांनी सांगितले.

मार्ग क्रमांक 1 अचानक बंद केल्याने दररोज प्रवास करणाऱ्या मुंबईकरांमध्ये संताप व्यक्त करण्यात आला होता. विशेषतः दक्षिण मुंबई आणि पश्चिम उपनगरांदरम्यान प्रवास करणाऱ्या प्रवाशांमध्ये.

बेस्ट प्रशासनाने दावा केला होता की, मार्ग क्रमांक 51 आधीच त्या परिसरात सेवा देत आहे. मार्ग 1 कुलाबा ते वांद्रे तर मार्ग 51 कुलाबा ते सांताक्रूझ दरम्यान धावतो. मात्र, नियमित प्रवाशांचे म्हणणे होते की बस मार्ग 51, बस मार्ग 1 सारखी सोयीची सेवा देत नाही.

इतिहासात मार्ग क्रमांक 1 हा मुंबईतील एक अत्यंत जुना आणि प्रतिष्ठित बसमार्ग मानला जातो. असे मानले जाते की तो ब्रिटिश काळात सुरू झाला होता.

हेही वाचा

बीकेसी पॉड टॅक्सी प्रकल्पाच्या देखरेखीसाठी तज्ञांची नियुक्ती

टेस्लाचे पहिले भारतातील शोरूम मुंबईत उघडणार