Advertisement

एसी डबल डेकर बस ‘या’ तारखेपासून येणार मुंबईकरांच्या सेवेत

डबल डेकर बस, ज्याचे उद्घाटन केंद्रीय परिवहन मंत्री नितीन गडकरी यांच्या हस्ते करण्यात आले, ज्याचे नाव Switch EiV 22 बेस्टतर्फे चालवण्यात येणार आहे.

एसी डबल डेकर बस ‘या’ तारखेपासून येणार मुंबईकरांच्या सेवेत
SHARES

भारतातील पहिल्या इलेक्ट्रिक डबल डेकर बस (Electric Double Decker Bus) लोकार्पण सोहळा मुंबईत (Mumbai) पार पडला. केंद्रीय मंत्री नितीन गडकरी (Nitin Gadkari) यांच्या हस्ते या इलेक्ट्रिक डबल डेकर बस लॉन्च करण्यात आली.

पूर्णपणे अत्याधुनिक सोयी सुविधा असलेली आणि प्रदूषण पूर्णपणे कमी करणारी ही बस डिसेंबर ते जानेवारी महिन्यात प्रवाशांच्या सेवेत बेस्टकडून सुरू करण्यात येणार आहे. टप्प्याटप्प्याने 200 इलेक्ट्रिक डबल डेकर बस या बेस्टच्या ताफ्यात दाखल होतील.

कशी आहे इलेक्ट्रिक डबल डेकर बस?

  • एकूण 65 प्रवासी प्रवास या बसमध्ये करु शकतात. पहिल्या मजल्यावर 30 सीट दुसऱ्या मजल्यावर 35 सीट
  • एकूण 96 प्रवासी एका वेळी बसून आणि उभे राहून प्रवास करू शकतात.
  • सुरक्षेच्या दृष्टिकोनातून सीसीटीव्ही कॅमेरा, जीपीएस सिस्टीम, प्रवाशांसाठी सीट बेल्ट या बसमध्ये आहे
  • प्रत्येक सीटच्या खाली मोबाईल फोन चार्जिंगची व्यवस्था आहे
  • डबल डेकर बसमध्ये दोन्ही बाजूंनी वरच्या मजल्यावर जाण्यासाठी पायऱ्या आहेत
  • इलेक्ट्रिक बसमुळे प्रदूषण कमी होईल.
  • पूर्णपणे वातानुकूलित असल्याने शिवाय आरामदायी सीट्सवर असल्याने प्रवाशांना सर्व सोयी-सुविधायुक्त आरामादायी प्रवास या निमित्ताने अनुभवता येणार आहे.

मुंबईतील यशवंतराव चव्हाण प्रतिष्ठानमध्ये आज बेस्टच्या ताफ्यातील इलेक्ट्रिक बसचं लोकार्पण करण्यात आलं. यावेळी बेस्टचे महाव्यवस्थापक लोकेश चंद्र आणि इतर अधिकारी देखील उपस्थित होते.

लोकार्पणच्या वेळी बोलताना केंद्रीय मंत्री नितीन गडकरी म्हणाले की, "आज इलेक्ट्रिक डबल डेकर बस बेस्टच्या ताफ्यात येत असल्याने मी आनंदित आहे. प्रदूषणमुक्त देशासाठी हे महत्त्वाचे पाऊल आहे. एकूण प्रदूषणापैकी 35 टक्के प्रदूषण हे पेट्रोल आणि डिझेलमुळे होत आहे." "इलेक्ट्रिक वाहनांमुळे प्रदूषणात घट होईल," असंही त्यांनी सांगितलं.

बेस्टने 900 इलेक्ट्रिक बसेसचा पुरवठा करण्यासाठी एका खाजगी कंपनीशी करार केला आहे, त्यापैकी 50 टक्के बसेस मार्च 2023 पर्यंत वितरित केल्या जातील.

अंडरटेकिंगच्या ताफ्यात 1990 पासून 900 पारंपारिक डबल-डेकर बस आहेत, परंतु गेल्या काही वर्षांमध्ये त्यांची संख्या सातत्याने कमी होत असून आता त्यांची संख्या 50 इतकीच उरली आहे. पाच बसेस खुल्या डेक हेरिटेज टूरसाठी वापरल्या जातात. ज्याला हो-हो बस म्हणतात, तर उर्वरित शहराच्या विविध मार्गांवर चालतात. सध्या, बेस्टच्या 3,500 बसेसच्या ताफ्यासह दररोज सुमारे 32 लाख प्रवासी प्रवास करतात.


हेही वाचा

७५ वर्षांवरील ज्येष्ठांना ‘एसटी’नं मोफत प्रवास करता येणार

बेस्टची 1 रुपयात प्रवास योजना 31 ऑगस्टपर्यंत वाढवली

Read this story in हिंदी or English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा