एका नवीन अहवालानुसार ठाणे महानगरपालिका परिवहन (TMT)च्या जीर्ण अवस्थेत असलेल्या २३० सार्वजनिक वाहतूक बसेस परत रस्त्यावर धावणार आहेत. या जीर्ण अवस्थेतील बसेस सध्या आरागारत धूळ खात उभ्या आहेत. पण आता एजन्सी यापैकी काही बसेस दुरुस्त करण्याचा विचार करीत आहेत जेणेकरून त्यांना पुन्हा रस्त्यावर आणता येईल.
टीएमटीचे अध्यक्ष विलास जोशी यांनी सांगितलं की, “या बसेस पुन्हा रस्त्यावर उतरवण्यासाठी असे कोणतेही प्रयत्न झाले नाहीत असं नाही. या बसेस दुरुस्त करण्याचे प्रस्ताव यापूर्वीही पाठवण्यात आले होते. परंतु ते नाकारण्यात आले होते. निधी हा मुद्दा कधीच नव्हता. ठाणे महानगरपालिकेला पाठवलेल्या प्रस्तावांवर लेखा विभागाच्या आवश्यकतेनुसार योग्यप्रकारे प्रक्रिया झालेली नाही. ही अडचण होती. यामुळे नकार आणि विलंब झाला. पण आता आम्ही ते निश्चित केले आहे.,
“आमच्या ताफ्यात 30 व्होल्वोस आहेत. त्यापैकी जवळपास दहा कार्यरत आहेत. उर्वरित कर्मचार्‍यांना परत कामावर आणणे ही माझी प्राथमिकता आहे, असं सांगून ते म्हणाले की, टीएमटीनं २०० नवीन बसगाड्यांचा प्रस्ताव पाठवला आहे.
मार्च २०२० पूर्वी टीएमटी आणि त्याच्या कंत्राटदारांच्या जवळपास २९० बस आहेत. परंतु मार्ग तसेच प्रवाशांच्या मर्यादित उपलब्धतेमुळे ही संख्या आता २१० वर घसरली आहे. जोशी म्हणाले की, प्रतीक्षा करणं आणि विलंब याचा अर्थ बऱ्याच बसेस आता त्यांच्या प्राइमपासून दूर गेल्या आहेत.
जोशी यांनी हे देखील मान्य केलं की, बेस्टच्या तिकिट भाड्यात मोठ्या प्रमाणात कपात केल्यानं टीएमटीच्या कारभाराला नुकसान झालं आहे. त्यांनी हस्तक्षेप करावा आणि सर्व सार्वजनिक परिवहन बस ऑपरेटरसाठी प्रमाणित भाडे सुरू करावे, अशी मागणी त्यांनी केली.
“पूर्वी बेस्ट बसेसचे ठाणे-बोरिवलीचे भाडे सुमारे ११० रुपये आणि टीएमटीचे सुमारे ८५ रुपये होते आणि लोक आमच्याकडे येत असत. परंतु आता, बेस्टनं त्याचे भाडे कमी करून २५ केलं आहे. ज्याचे मोठ्या प्रमाणात नुकसान झाले आहे.
Share
Tweet
