Advertisement

एसटी कर्मचाऱ्यांच्या जेवणात अळ्या

राज्यातील एसटी कर्मचाऱ्यांच्या जेवणात अळ्या सापडल्याचा धक्कादायक माहिती समोर येत आहे.

एसटी कर्मचाऱ्यांच्या जेवणात अळ्या
SHARES

राज्यातील एसटी कर्मचाऱ्यांच्या जेवणात अळ्या सापडल्याचा धक्कादायक माहिती समोर येत आहे. कर्मचाऱ्यांकडून वारंवार तक्रार करूनही महामंडळाने केवळ बघ्याची भूमिका घेतल्याने हा किळसवाणा प्रकार घडल्याचे कर्मचाऱ्यांचं म्हणणं आहे. या घटनेनंतर पॅकिंग जेवणाऐवजी रोख रक्कम देण्याची कर्मचारी संघटनांची मागणी पुन्हा जोर धरू लागली आहे.

मालाडस्थित हॉटेल रॉयल पाममध्ये कोल्हापूर आणि सिंधुदूर्ग जिल्ह्यातील सुमारे ३०० ते ४०० प्रवाशांची राहण्याची आणि जेवणाची सोय करण्यात आली होती. रविवारी बेस्ट प्रशासनाने नियुक्त केलेल्या फेऱ्या पूण करून विश्रांतीसाठी कर्मचारी हॉटेलमध्ये परतले. यावेळी कर्मचाऱ्यांना दिलेल्या जेवणात अळ्या असल्याचे दिसून आले. याबाबत वरिष्ठ अधिकाऱ्यांकडून कोणतीच मदत मिळाली नसल्याने कर्मचाऱ्यांच्या संतापात आणखी भर पडली होती.

हॉटल रॉयल पाम, मालाड येथे राहत असलेल्या कर्मचाऱ्यांच्या जेवणात रविवारी रात्री अळ्या असल्याचा प्रकार कर्मचाऱ्यांनी प्रशासनाच्या निदर्शनास आणून दिली. एसटी महामंडळाने ते जेवण तातडीने रद्द करून चांगले जेवण पुरवले. यापुढे असे प्रकार घडणार नाही याची दक्षता घेण्याच्या सूचना पुरवठादाराला दिल्या. या प्रकरणी चौकशी करून अहवाल सादर करण्याचे निर्देश संबंधितांना दिले आहेत, अशी माहिती एसटी महामंडळाच्या जनसंपर्क विभागाने दिली आहे.

याबाबत अनेक तक्रारी करूनही यात बदल करण्यात आला नाही. कर्मचारी आक्रमक झाल्यावर बुफे पद्धतीने जेवण देण्यास सुरुवात केली. त्यावेळी भातामध्ये अळ्या सापडल्याने पुरवठादाराला कर्मचाऱ्याने धारेवर धरले होते. सामान्य प्रवाशांना लोकलबंदी कायम असल्याने लाखो प्रवाशांचा भार एसटी आणि बेस्ट प्रशासन उचलत आहे. या बसमध्ये प्रचंड गर्दी असते. गर्दीत काम करताना महामंडळाकडून साधे मास्क आणि सॅनिटायझर ही पुरवण्यात येत नाही. यामुळे जेवण व नाश्त्यासाठी पॅकिंग अन्न पाकिटांऐवजी रोख रक्कम द्यावी, अशी मागणी आहे.

Read this story in English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा