'तान्हाजी: द अनसंग वॉरियर'नं १०० कोटींची कमाई केली आहे. रिलीजच्या सहाव्या दिवशी चित्रपटानं हा आकडा गाठल्याचं चित्रपट व्यापार विश्लेषक तरण आदर्श यांनी सांगितलं आहे. तर दुसरीकडे 'छपाक' पाचव्या दिवशी बॉक्स ऑफिसवर २३.९२ कोटींची कमाई केली.
अजय देवगणच्या 'तान्हाजी: द अनसंग वॉरियर'नं बॉक्स ऑफिसवर १५.१० कोटी रुपयांसह दमदार सुरुवात केली होती. शनिवारी या चित्रपटाचा २०.५७ कोटी तर रविवारी २६.२६ रुपयांचा व्यवसाय झाला होता. त्यानुसार चित्रपटानं पहिल्या तीन दिवसांत ६१.७५ कोटींची कमाई केली होती. रिलीजच्या चौथ्या दिवशी म्हणजेच सोमवारी १३.७५ कोटी आणि मंगळवारी १५.२८ कोटी आणि बुधवारी १६.७२ कोटी रुपये चित्रपटाची कमाई केली. यासह चित्रपटानं पहिल्या सहा दिवसांत तब्बल १०७.६८ कोटींचा व्यवसाय केला आहे.
#Tanhaji is 💯 NOT OUT... Day 6 is higher than Day 1, 4 and 5... Terrific trending on weekdays indicates the power of solid content... Speeding towards ₹ 150 cr... Fri 15.10 cr, Sat 20.57 cr, Sun 26.26 cr, Mon 13.75 cr, Tue 15.28 cr, Wed 16.72 cr. Total: ₹ 107.68 cr. #India biz
— taran adarsh (@taran_adarsh) January 16, 2020
दीपिका पदुकोणचा 'छपाक' हा चित्रपट बॉक्स ऑफिसवर सरासरी कामगिरी करत आहे. चित्रपट व्यापार विश्लेषक तरण आदर्श यांच्या आकडेवारीनुसार, मंगळवारी या चित्रपटानं केवळ २.५५ कोटी रुपयांचा व्यवसाय केला. चित्रपटानं पाच दिवसांत एकूण २३.९२ कोटींचा व्यवसाय केला आहे.
हेही वाचा