कोरोनाव्हायरसचा (Coronavirus Update) प्रादुर्भाव दिवसेंदिवस वाढत आहे. कॉरोनाव्हायरसचा प्रादुर्भाव रोखण्यासाठी लॉकडाऊन देखील लागू करण्यात आलं आहे. त्यामुळे सर्व व्यवसाय, कार्यालयं बंद आहेत. बॉलिवूडचे (Bollywood) कामकाज देखील थांबले आहे. चित्रपट, मालिका, जाहिराती या सर्वांचं शूटिंग थांबलं आहे. पण अशात अभिनेता अक्षय कुमार (Akshay Kumar) लॉकडाऊनमध्ये एका जाहिरातीचं शूटिंग करत असल्याची माहिती समोर आली आहे.
अभिनेता अक्षय कुमार जाहिरातीचं शूट करत असल्याचे फोटो सोशल मीडियावर व्हायरल झाले आहेत. फिल्मफेअरच्या इन्स्टाग्राम पेजवर हे फोटो शेअर करण्यात आले आहे. या फोटोच्या कॅप्शनमध्ये अक्षय कुमारनं पुन्हा एकदा कामाला सुरूवात केल्याचं म्हटलं आहे. अर्थात हे सर्व योग्य ती परवानगी घेऊनच करण्यात येत आहे. याशिवाय सेटवर काम करणाऱ्या प्रत्येक व्यक्तीच्या सुरक्षेची काळजी घेतली जात आहे.
फिल्मफेअरनं या सेटवरील एक व्हिडीओ सुद्धा शेअर केला आहे. ज्यात सॅनिटायझर, मास्क, फेस शील्ड इत्यादी गोष्टी पुरवल्या जात असल्याचं दिसत आहे. तसंच हे संपूर्ण शूटिंग सोशल डिस्टंसिंगचे सर्व नियम पाळून केलं जात असल्याचं दिसत आहे.
Share
Tweet
