नवी मुंबई (navi mumbai) आंतरराष्ट्रीय विमानतळ (NMIA) केवळ चित्रपटातील सिनेस्टार, अब्जाधीश उद्योगपती आणि उच्चपदावरील राजकारण्यांसाठी एक समर्पित टर्मिनल विकसित करण्यात येणार आहे.

या व्हीव्हीआयपी (VVIP) टर्मिनलचे बांधकाम आर्थिक वर्ष 2026 मध्ये सुरू करण्याचे नियोजन आहे आणि 2030 पर्यंत हे पूर्ण करण्याचे उद्दिष्ट आहे.

हे टर्मिनल केवळ राज्यपाल, मुख्यमंत्री आणि संरक्षण कर्मचाऱ्यांसारख्या केंद्र आणि राज्य सरकारी अधिकाऱ्यांनाच सेवा देणार नाही तर चित्रपटातील सिनेस्टार आणि इतर महत्त्वाच्या व्यक्तींसाठी सामान्य विमान वाहतूक टर्मिनल म्हणून देखील काम करेल.

सध्या, मुंबईतील (mumbai)  छत्रपती शिवाजी महाराज आंतरराष्ट्रीय विमानतळावर व्हीव्हीआयपी टर्मिनलचा अभाव आहे. एनएमआयए अदानी एअरपोर्ट होल्डिंग्ज लिमिटेड आणि महाराष्ट्र (maharashtra) शहर आणि औद्योगिक विकास महामंडळ यांच्या संयुक्त उपक्रमाद्वारे हे विमानतळ व्यवस्थापित केले जाणार आहे. 15 मे नंतर या टर्मिनलच्या कामकाजास सुरुवात होण्याची अपेक्षा आहे.

नवी मुंबई आंतरराष्ट्रीय विमानतळावर (एनएमआयए) व्हीव्हीआयपी टर्मिनलची सुरुवात ही उच्च उत्पन्न गटातील प्रवाशांना आकर्षित करण्यासाठी आणि खास प्रवासाचा अनुभव घेण्यासाठी महत्त्वाची ठरणार आहे.

26 फेब्रुवारी रोजी, नागरी विमान वाहतूक महासंचालनालयाने (DGCA) मूल्यांकन केले की, नवी मुंबई आंतरराष्ट्रीय विमानतळ (एनएमआयए) 90% पूर्ण झाले आहे.

एनएमआयए छत्रपती शिवाजी महाराज आंतरराष्ट्रीय विमानतळावरील (CSMIA) गर्दीचा भार कमी करणार आहे. पहिल्या टप्प्यात दरवर्षी 20 दशलक्ष प्रवाशांची क्षमता असलेले टर्मिनल समाविष्ट आहे. तसेच एनएमआयएचा वापर 1 ते 12 दशलक्ष प्रवासी करतील अशी शक्यात वर्तवण्यात येत आहे.

यामध्ये 9 दशलक्ष प्रवासी देशांतर्गत आणि 3 दशलक्ष आंतरराष्ट्रीय प्रवासी असतील. दुसरा टप्पा, जो 2028 च्या अखेरीस कार्यान्वित होण्याची अपेक्षा आहे. त्याची क्षमता 30 दशलक्ष असेल.

याव्यतिरिक्त, तिसऱ्या टप्प्यात एक व्हीआयपी टर्मिनल आणि कायमस्वरूपी हवाई वाहतूक नियंत्रण टॉवर बांधले जाणार आहे.

हेही वाचा

बेस्टने स्थापनेनंतर 7 वर्षांनी ई-बसेसचे चालकांना प्रशिक्षण

घाटकोपर-अंधेरी शटल मेट्रो सेवा सुरू होणार